Online Shoppingত ATM Card ব্যৱহাৰ কৰে নেকি আপুনি? সাৱধান, নিমিষতে খালী হ’ব পাৰে একাউন্ট

Online Shoppingত আপুনি ATM Card ব্যৱহাৰ কৰে নেকি? যদি কৰে তেন্তে সাৱধান হওক, কিয়নো এইটোৱে আপোনাৰ একাউন্ট খালী কৰি দিব পাৰে।

এনে পৰিস্থিতি এৰাই চলিবলৈ আপুনি কেইটামান কথা সদায় মনত ৰাখিব লাগিব যাতে কোনো কাৰণতে আপুনি একাউন্টৰ ধন হেৰুৱাবলগীয়া নহয়।

• আপোনাৰ ATM কাৰ্ড নম্বৰ, PIN, কাৰ্ডৰ বৈধতা সমাপ্তিৰ তাৰিখ, CVV কোড কেতিয়াও শ্বেয়াৰ নকৰিব।
• আপোনাৰ PIN নম্বৰ সুকীয়া হোৱা উচিত। এইটো আপোনাক গাড়ীৰ নম্বৰ বা কোনো সহজতে জানিব পৰা নম্বৰ হোৱা উচিত নহয়।
• কোনো সমস্যা উদ্ভৱ হ’লে ATM বুথৰ ছিকিউৰিটি গাৰ্ডকে ধৰি আন কোনো অপৰিচিত ব্যক্তিৰ পৰা সহায় নল’ব।
• নগদ ধন উলিওৱাৰ পূৰ্বে কোনো সন্দেহজনক যন্ত্ৰ বা কেমেৰা লগোৱা আছে নেকি তাক ATM মেচিনত পৰীক্ষা কৰি চাওক।
• মোবাইলত কোনো অপৰিচিত এপ ইনষ্টল নকৰিব। কোনোৱে যদি আপোনাক সেয়া কৰিবলৈ ফোন কৰে, তাৎক্ষণিকভাৱে তেওঁৰ নম্বৰটো আৰক্ষীক অৱগত কৰাওক।
• কোনো লোকৰে সৈতে OTP শ্বেয়াৰ নকৰিব।
• কোনোবাই আপোনাক শেহতীয়া কাৰ্যকলাপৰ বাখ্যা কৰি তথা সেই কাৰ্যকলাপৰ সন্দৰ্ভত তথ্য বিচাৰি ফোন কৰিব পাৰে। কোনো ব্যক্তিগত তথ্য শ্বেয়াৰ কৰাৰ পৰা সাৱধান থাকিব।
• কেতিয়াবা আপুনি এমাজন, ফ্লিপকাৰ্ট আদিৰ দৰে বিখ্যাত ই-কমাৰ্ছ ছাইটৰ পৰা অ’ফাৰ লাভ কৰিব পাৰে। আপোনাৰ কাৰ্ডেৰে কোনো সামগ্ৰী ক্ৰয় কৰাৰ পূৰ্বে URL টো সাৱধানেৰে পৰীক্ষা কৰি চাওক।
• বেংকৰ পৰা যদি কোনোবাই আপোনাক আপোনাৰ মোবাইল ফোনটোৰ ছুইটছ অফ কৰিবলৈ কয়, সেয়া নকৰিব।
• বেংক একাউন্টৰ সৈতে আপোনাৰ মোবাইল নম্বৰ আৰু ই-মেইল আপডেট কৰি ৰখাটো সদায় অত্যন্ত আৱশ্যকীয়।
• আপোনাৰ একাউন্টত কোনো সন্দেহজনক কাৰ্যকলাপৰ সংঘটিত হ’লে ততাতয়াকৈ বেংক কৰ্তৃপক্ষ তথা আৰক্ষীক অৱগত কৰাওক।
• যদি কোনোৱে আপোনাক এক বৃহৎ অংকৰ পুৰষ্কাৰ, চাকৰি, মোবাইল টাৱাৰ বহুওৱাৰ বিনিময়ত এক নিৰ্দিষ্ট পৰিমানৰ ধন জমা কৰিবলৈ কয়, সেয়া আপুনি কেতিয়াও নকৰিব। এয়া সম্পূৰ্ণ প্ৰৱঞ্চকৰ কাণ্ড।

প্ৰৱঞ্চকসকলে আপোনাক ঠগিবলৈ সদায় নিত্য নতুন কৌশল ব্যৱহাৰ কৰে। সেয়ে, সাৱধান হওক।