মেঘালয়ৰ পূব খাচী পাহাৰ জিলাত নিৰ্বাচনী পৰ্যবেক্ষক নিযুক্তি

সমাগত বিধানসভা নিৰ্বাচনৰ প্ৰতি লক্ষ্য ৰাখি মেঘালয়ৰ পূব খাচী পাহাৰ জিলাত নিৰ্বাচনী পৰ্যবেক্ষক নিযুক্তি দিছে জিলা নিৰ্বাচনী বিষয়াই।

সেই অনুসৰি ৰাহুল বিশ্বাসক ১৬-পূব শ্বিলং(এছটি), ১৮-পশ্চিম শ্বিলং, ১৭-উত্তৰ শ্বিলং(এছটি), আৰু ১৯-দক্ষিণ শ্বিলং সমষ্টিৰ দায়িত্ব দিয়া হৈছে।

আনহাতে অমিত চৌধৰীক পাইনথৰ’খ্ৰাহ, ১৫-মালাৱি (এছটি), ২০মাইলিয়েম(এছটি) আৰু নংগথাইমাই (এছটি)সমষ্টিৰ দায়িত্ব অৰ্পণ কৰা হৈছে।

ইয়াৰ বিপৰীতে সুখলাল ভাৰতীক ১৩

মাউৰিনংক্ৰেং(এছটি), ২২-নংক্ৰেম 13-(এছটি) আৰু ২৯- মাউকিনৰিঅ’ (এছটি) সমষ্টিৰ দায়িত্ব দিয়া হৈছে।

একেদেৰ ভৱানী সিং খাংগাৰ’টক ২৩-শ্বিলং (এছটি), ২৪-মাউফ্লাং(এছটি),

২৫-মৌচিনৰাম(এছটি) আৰু পিনুৰছ্লা(এছটি) সমষ্টি চোৱাচিতা কৰাৰ বাবে নিয়োগ কৰা হৈছে।

উল্লেখ্য যে চলিত মাহৰ ২৭ তাৰিখে ৬০খন আসন বিশিষ্ট মেঘালয় বিভানসভা নিৰ্বাচন অনুষ্ঠিত হ’ব আৰু ৩ মাৰ্চত ভোটগণনাৰ অন্তত ফলাফল ঘোষণা কৰা হ’ব।

পাহাৰীয়া ৰাজ্যখনত মুকুল চাংমা নেতৃত্বাধীন কংগ্ৰেছ, বিজেপিয়ে নিৰ্বাচনত জয়লাভ কৰাৰ বাবে সম্ভৱপৰ সকলো চেষ্টা কৰা পৰিলক্ষিত হৈছে।

ইতিমধ্যে দুয়োটা দলৰ শীৰ্ষ নেতৃত্বই ৰাজ্যখনৰ জনসাধাৰণক আকৃষ্ট কৰিবলৈ কেইবাখনো প্ৰচাৰ সভাত অংশগ্ৰহণ কৰাটো লক্ষণীয়।

উত্তৰ-পূবক কংগ্ৰেছমুক্ত কৰাৰ বাবে বিজেপিয়ে প্ৰধানমন্ত্ৰী নৰেন্দ্ৰ মোডী, অমিত শ্বাহ আৰু কংগ্ৰেছে সভাপতি ৰাহুল গান্ধীৰ নেতৃত্বত পাহাৰীয়া ৰাজ্যখনত চলোৱা তৎপৰতা মনকৰিবলগীয়া।