নগাঁৱৰ ৰূপহীহাটত মহাভাৰতৰ কাহিনী “শকুনিৰ প্ৰতিশোধ”ৰ মাজেৰে ধৰ্মীয় সম্প্ৰীতিৰ বাৰ্তা
হিন্দু ধৰ্মীয় কাব্যগ্ৰন্থ মহাভাৰতৰ বুকুৰ পৰা তুলি অনা “শকুনিৰ প্ৰতিশোধ” নামৰ গণেশ গগৈ ৰচিত নাটকখনৰ ভাওনা ৰূপ দিবলৈ গৈ নগাওঁ জিলাৰ ৰূপহীহাটৰ ঔঅনা গাৱঁৰ ৰাজহুৱা পুথিভঁৰালৰ শিল্পীদলে কঢ়িয়াই আনিছে ধৰ্মীয় সম্প্ৰীতিৰ বাৰ্তা।
শিল্পীৰ দলটোৱে অনুষ্ঠিত কৰিবলৈ লোৱা ভাওনাখনত দুটা প্ৰধান চৰিত্ৰত অভিনয় কৰিছে দুজন ইছলাম ধৰ্মীয় লোকে।
বৰ্তমান পূৰ্ণ গতিত আখৰা চলি থকা ভাওনাখনত ভীম আৰু শকুনিৰ চৰিত্ৰ দুটাত অভিনয় কৰিছে ক্ৰমে আমীৰ হামঝা আৰু মফিদুল হকে। দুয়ো অঞ্চলটোৰ অভিজ্ঞ নাট্যশিল্পী। আমীৰ হামঝা নাটকখনৰ পৰিচালকো।
নাটকখনৰ প্ৰায় পোন্ধৰটাকৈ চৰিত্ৰত বিভিন্ন ধৰ্মাৱলম্বী লোকে অভিনয় কৰা বুলি উদ্যোক্তসকলে জানিবলৈ দিছে।
চলিত বছৰৰ শেষৰ ফালে জনপ্ৰিয় নাটকখন পৰিৱেশন কৰা হ’ব ৰূপহীহাটত অনুষ্ঠিত হ’ব লগীয়া অসম জাতীয়তাবাদী যুৱ ছাত্ৰ পৰিষদৰ নগাঁও জিলা সমিতিৰ বাৰ্ষিক অধিবেশনত।
নাটকখনে হিন্দু-মুছলমান, জাতি-বৰ্ণ-ভাষা-ধৰ্মৰ মাজত সম্প্ৰীতিৰ আন এটা দৃষ্টান্ত দাঙি ধৰিব বুলি উদ্যোক্তামণ্ডলীৰ লগতে শিল্পীসকলেও আশা কৰিছে।
কিছু দিনৰ পূৰ্বে নগাঁৱৰ বঢ়মপুৰত অনুষ্ঠিত ৰাস মহোৎসৱতো এগৰাকী ইছলাম ধৰ্মাৱলম্বী যুৱতীয়ে শ্ৰীকৃষ্ণৰ চৰিত্ৰত সুনিপুণ অভিনয় কৰি ৰাইজৰ প্ৰশংসা আৰু সংবাদ মাধ্যমৰ শিৰোনাম দখল কৰিছিল।
You may also like
কটন বিশ্ববিদ্যালয়ৰ ছাত্ৰ একতা সভাৰ নির্বাচন : নেতৃত্বত নিৰ্দলীয়; আছুৰ আধিপত্য
অতি শান্তিপূৰ্ণভাৱে ঘোষিত হ’ল কটন বিশ্ব বিদ্যালয় ছাত্ৰ একতা সভাৰ ২০১৯-২০ বৰ্ষৰ সাধাৰণ নিৰ্বাচনৰ ফলাফল। সভাপতি, সাধাৰণ সম্পাদক আৰু উপ সভাপতি পদত…
চৰাইদেউত মটৰচাইকেল দুৰ্ঘটনাত নিহত এজন যুৱক; গুৰুতৰভাৱে আহত আন এজন
চৰাইদেউত এখন মটৰচাইকেলে নিয়ন্ত্ৰণ হেৰুৱাই গছত খুন্দা মৰা এক ভয়াৱহ পথ দুৰ্ঘটনাত এজন যুৱক থিতাতে নিহত হয়। আৰক্ষীয়ে জানিবলৈ দিয়ে যে যুৱকজনে…
টিহুত স্থাপন হ’ব বৃহৎ মৰাপাট-বস্ত্ৰ উদ্যোগ : মন্ত্ৰী চন্দ্ৰমোহন পাটোৱাৰী
অসমৰ উদ্যোগ মন্ত্ৰী চন্দ্ৰমোহন পাটোৱাৰীয়ে অশোক কাগজকল পুনৰ মুকলি কৰা হ’ব বুলি বৰপেটাত মন্তব্য কৰে। অশোক কাগজকলটো কাৰ্যক্ষম কৰি তুলিবলৈ আমাৰ চৰকাৰে…
ড্ৰাইভিং লাইচেন্সৰ নৱীকৰণৰ সময়সীমা বৃদ্ধিৰ সিদ্ধান্ত চৰকাৰৰ, কেতিয়ালৈ কৰিব পাৰিব নৱীকৰণ?
কেন্দ্ৰীয় পথ পৰিবহন আৰু ৰাষ্ট্ৰীয় ঘাইপথ দপ্তৰে ড্ৰাইভিং লাইচেন্সৰ নৱীকৰণৰ সময়সীমা বৃদ্ধি কৰাৰ সিদ্ধান্ত লৈছে। সেই মৰ্মে কাইলৈ অৰ্থাৎ ৩১ মাৰ্চত ম্যাদ…