কাৰ্বি আংলং আৰক্ষীৰ জালত পৰিল দুই অপৰহণকাৰী; অস্ত্ৰ উদ্ধাৰ
কাৰ্বি আংলং জিলাৰ দোলামৰা আৰক্ষী থানাৰ এটা দলে আজি দোলামৰা আৰক্ষী থানাৰ অন্তৰ্গত দাধৰা গাঁৱৰ পৰা দুগৰাকী অপহৰণকাৰীক আটক কৰে।
আটকাধীন অপহৰণকাৰী দুগৰাকীক জিলাখনৰ দোলামৰাৰ লাংটুক টেৰাং গাঁৱৰ বিদ্যা সিং টেৰাং আৰু চৰসিং টেৰাং গাঁৱৰ লিচন টেৰাং বুলি চিনাক্ত কৰা হয়।
তেওঁলোকৰ বিৰুদ্ধে যোৱাত ৮ ডিচেম্বৰত মৰিগাঁৱৰ লাহৰিঘাট আৰক্ষী থানাৰ অন্তৰ্গত দৈতালবাৰীৰ আব্দুল কাডিৰৰ পুত্ৰ ইক্ৰামুল হকক অপহৰণ কৰাৰ অভিযোগ আছে।
আৰক্ষীৰ সূত্ৰৰ মতে লোকজনক দলামৰা আৰক্ষী থানাৰ অন্তৰ্গত মলশি নিহানঘাটত অৱস্থিত এখন দলং নিৰ্মাণৰ কাম চলি থকা এটা শ্ৰমিকৰ কেম্পৰ পৰা অপহৰণ কৰা হৈছিল।
অৱশ্যে পিছত ১৬ ডিচেম্বৰত জখলাবন্ধা আৰক্ষী থানাৰ জগদম্বা চাহ বাগিচাৰ পৰা নিৰাপদে উদ্ধাৰ কৰা হয়।
ধৃত অপহৰণকাৰী দুগৰাকীৰ বিৰুদ্ধে দলামৰা আৰক্ষী থানাত ভাৰতীয় দণ্ডবিধি আইনৰ ৩৬৪ ধাৰাৰ অধীনত ৪/১৯ নম্বৰৰ এটা গোচৰ ৰুজু কৰা হৈছে।
সোধা-পোচাৰ পিছত অপহৰণকাৰী দুগৰাকীৰ পৰা আৰক্ষীয়ে লঙ্ঘুজাৰ পাহাৰত লুকুৱাই থোৱা এটা খজা বন্দুক, গুলী আৰু গান পাউডাৰ উদ্ধাৰ কৰিবলৈ সক্ষম হয়।
You may also like
বিটিএডি অঞ্চল এতিয়া শান্তিৰ জৰিয়তে দ্ৰুত প্ৰগতিৰ দিশত : দৈজিং উৎসৱত মুখ্য মন্ত্ৰী সোণোৱাল
‘পৃথিৱীৰ সকলো সভ্যতা নদীৰ পাৰতে গঢ় লৈ উঠা। সেয়ে আই নদীৰ পাৰত অনুষ্ঠিত দৈজিং উৎসৱ মহা মিলনৰ উৎসৱ হিচাপে পৰিগণিত হৈছে। আগন্তুক…
লাইকা-দধিয়াৰ প্ৰতিটো পৰিয়াললৈ ১ লাখ টকাকৈ আৰ্থিক সাহায্য ঘোষণা মুখ্যমন্ত্ৰী সোণোৱালৰ
বিজেপি নেতৃত্বাধীন মিত্ৰজোঁটৰ চৰকাৰখনৰ কাৰ্যকালতে বিগত চাৰে চাৰি বছৰত জনজাতিসকলৰ বাবে মৰ্যদা সহকাৰে আৰু নিষ্ঠাৰে কাম কৰি আহিছো। জাগীৰোডৰ নেলী মকৰীয়াত সদৌ…
তাৰকা মল্লযোদ্ধা বিনেশ ফোগট ক’ৰ’না প’জিটিভ
বিশ্ব চেম্পিয়নশ্বিপত ব্ৰঞ্জৰ পদক বিজয়ী তাৰকা মল্লযোদ্ধা বিনেশ ফোগটৰ শৰীৰত ক’ৰ’না ভাইৰাছৰ উপস্থিতি ধৰা পৰিছে। তাৰকা মল্লোযোদ্ধা গৰাকীয়ে নিজেই ক’ৰ’না প’জিটিভ হোৱা…
বঙাইগাঁৱত অটো আৰু ট্ৰাকৰ ভয়ংকৰ মুখামুখি সংঘৰ্ষ : থিতাতে নিহত ছয়জন
বঙাইগাঁৱত এখন অটো আৰু ট্ৰাকৰ মাজত সংঘটিত ভয়ংকৰ মুখামুখি সংঘৰ্ষত থিতাতে নিহত হয় অটোখনত থকা ছয়জন আৰোহীৰ। দুৰ্ঘটনাত নিহত লোককেইজন বঙাইগাঁও জিলাৰ…