আৰক্ষীৰ গুলীত নিহত গৰুৰ চোৰাং বেপাৰী

দক্ষিণ শালমাৰা মানকাচৰ জিলাৰ দক্ষিণ শালমাৰা আৰক্ষী থানাৰ অন্তৰ্গত মহামায়া চৰত শনিবাৰে অসম আৰক্ষীৰ গুলীত এজন গৰুৰ চোৰাং বেপাৰী নিহত হোৱাৰ লগতে আন তিনিজন আহত হয়।

মহামায়া চৰ ভাৰত-বাংলাদেশ সীমান্তৰ সৈতে সম্পৰ্কিত হৈ আছে।

নিহত লোকজনক নুৰজামাল এছ কে (৩৫) বুলি চিনাক্ত কৰা হৈছে। আনহাতে আৰক্ষীৰ গুলীত আহত তিনিজন হৈছে পাছান আলী, আলম আলী আৰু দুলাল এছ কে।

আটাইকেইজন লোক দক্ষিণ শালমাৰা জিলাৰ বাসিন্দা।

দক্ষিণ শালমাৰা আৰক্ষী থানাৰ ভাৰপ্ৰাপ্ত বিষয়া আব্দুল কালাম আজাদে কয় যে শনিবাৰে নিশা আৰক্ষীৰ দল এটাই এক ঘটনাৰ অনুসন্ধান চলাবলৈ গৈছিল।

‘’আৰক্ষী দলটোৱে মহামায়া চৰৰ ওচৰ পাওতেই আৰক্ষীৰ দলটোৱে কেইজনমান সন্দেহযুক্ত লোকৰ সৈতে গৰুৰ বিচৰণ লক্ষ্য কৰে,’’-আজাদে কয়।

‘’আৰক্ষী দলটোৱে তেওঁলোকক অনুসৰণ কৰি চোৰাং বেপাৰীকেইজনক ৰখাবলৈ চেষ্টা কৰে যদিও তেওঁলোকে লাঠী, দা’ আদিৰ লগতে চোকা অস্ত্ৰেৰে আৰক্ষীক আক্ৰমণ কৰে,’’-তেওঁ অভিযোগ কৰে।

আৰক্ষীয়েও ইয়াৰ প্ৰত্যুত্তৰ দিয়াত নুৰজামাল বুলি চিনাক্ত হোৱা চোৰাং বেপাৰীজন নিহত হোৱাৰ লগতে আন তিনিজন আহত হয় বুলি তেওঁ কয়।

দক্ষিণ শালমাৰা আৰক্ষী থানাৰ ভাৰপ্ৰাপ্ত বিষয়াগৰাকীয়ে জানিবলৈ দিয়া মতে গৰুৰ চোৰাং বেপাৰীৰ আক্ৰমণত আৰক্ষীৰ ছয়জন লোক আহত হয়।

আৰক্ষীৰ গুলীত আহত হোৱা গৰুৰ চোৰাং বেপাৰী তিনিজনক চিকিৎসাৰ বাবে ধুবুৰী অসামৰিক হাস্পাতলত ভৰ্তি কৰোৱাৰ বিপৰীতে আহত আৰক্ষী আৰক্ষীৰ লোককেইজনক চিকিৎসাৰ পাছত যাবলৈ দিয়া হয়।

সূত্ৰসমূহে জনোৱা মতে আন গৰুৰ চোৰাং বেপাৰীকেইজন আন্ধাৰৰ সুযোগ লৈ পলাই যাবলৈ সক্ষম হয়।