আই এছ এলত অসমৰ মিডফিল্ডাৰ বিনীত ৰায়ৰ চমৎকাৰী গ’ল
আই এছ এলত উজলি উঠিছে অসমৰ প্ৰতিভাৱান মিডফিল্ডাৰ বিনীত ৰায়। সোমবাৰে খেলা এখন খেলত ফুটবলাৰগৰাকীয়ে প্ৰদান কৰিছিল এটা দুৰ্দান্ত গ’ল। সেয়ে তেওঁক এতিয়া বিশেষজ্ঞ তথা দৰ্শকে উপচাই পেলাইছে প্ৰশংসাৰে।
ওড়িশা এফ চিৰ হৈ খেলা বিনীত ৰায়ে সোমবাৰে অনুষ্ঠিত হৈ যোৱা চেন্নাইন এফ চিৰ বিৰুদ্ধে ৪১ মিনিটত দুৰ্দান্ত গ’লটো প্ৰদান কৰিছিল।
সতীৰ্থ খেলুৱৈৰ পৰা লাভ কৰা পাছৰ সহায়ত বিনীতে পেনাল্টি বক্সৰ বাহিৰৰ পৰা তীব্ৰ বেগী শ্বটৰ জৰিয়তে গ’লটো প্ৰদান কৰে। এই আকৰ্ষণীয় গ’লটো হোৱাৰ লগে লগে ষ্টেডিয়ামত উপস্থিত দৰ্শকৰ লগতে আশ্চৰ্যকৰ হৈ পৰে মেচখনৰ ধাৰাভাষ্যকাৰ।
বিশেষজ্ঞৰ মতে আন্তঃৰাষ্ট্ৰীয় পৰ্যায়ৰ আগশাৰীৰ খেলুৱৈ সকলে এটা নিৰ্দিষ্ট দূৰত্বৰ পৰা গ’ল কৰিবলৈ যি কৌশল অৱলম্বন কৰে সেই কৌশল বা কলাত্মক ভংগী বিনীতৰো আছে।
উল্লেখ্য যে সোমবাৰে নিশা ভুবনেশ্বৰৰ কালিংগা ষ্টেডিয়ামত অনুষ্ঠিত গুৰুত্বপূৰ্ণ মেচখনত ওড়িশা এফ চিয়ে ২-০ গ’লৰ ব্যৱধানত পৰাস্ত কৰে চেন্নাইন এফ চিক।
বিনীত ৰায়ৰ উপৰি ওড়িশাৰ বিজয়ত গুৰুত্বপূৰ্ণ ভূমিকা লয় উত্তৰ-পূবৰ আন এগৰাকী খেলুৱৈ মিজোৰামৰ জেৰী মাৱিমিংঠাংগা (Jerry Mawihmingthanga) ই। জেৰীয়ে ৩৭ মিনিটত প্ৰথমটো অগ্ৰগতি প্ৰদান কৰিছিল।
ভাৰতীয় দলৰ নিয়মীয়া সদস্য বিনীত ৰায়ে চলিত বছৰৰ বাবে আই এছ এলত প্ৰথমবাৰ আত্মপ্ৰকাশ ঘটা ওড়িশা এফ চিৰ সৈতে চুক্তিবদ্ধ হৈছিল।
You may also like
ৰাছিয়াৰ লেট্ৰিনত নাই পানীৰ ব্যৱস্থা, প্ৰাতঃকৰ্মৰ সময়ত অস্বস্তিত জুবিন গাৰ্গ
ভাৰতীয় সংস্কৃতিত টয়লেটত পানীৰ ব্যৱহাৰ নহলেই নহয়। কিন্তু বিশ্বৰ বিভিন্ন দেশৰ দৰে ৰাছিয়াতো মানুহে লেট্ৰিনত পানীৰ ব্যৱহাৰ নকৰে। ভাৰতত মানুহে লেট্ৰিনলৈ গৈ…
বিৰোধীৰ প্ৰতিবাদৰ মাজতেই অসম বিধানসভাত গৃহীত হ’ল গো-সুৰক্ষা বিধেয়ক,২০২১, কি আছে বিধেয়ক খনত?
আজি অসম বিধানসভাত আনুষ্ঠানিক ভাবে গৃহীত হ’ল বহু চৰ্চিত তথা বহু বিতৰ্কিত গো-সুৰক্ষা বিধেয়ক,২০২১। লগে লগে জয় শ্ৰীৰাম ধ্বনিৰে মুখৰিত হৈ পৰে…
সাংবাদিক ধ্ৰুৱ মহন্তক মুখ্যমন্ত্ৰীৰ প্ৰেছ সচিবৰূপে নিযুক্তি
মুখ্যমন্ত্ৰী হিচাবে শপতগ্ৰহণ কৰাৰ পিছতে ডঃ হিমন্ত বিশ্ব শৰ্মাই আজি ৰাজ্যৰ এগৰাকী জ্যেষ্ঠ সাংবাদিক ধ্ৰুৱ মহন্তক মুখ্যমন্ত্ৰীৰ প্ৰেছ সচিব হিচাবে নিযুক্তি দিছে।…
এইবাৰ উত্তৰ প্ৰদেশৰ মন্ত্ৰীয়ে দাবী তুলিলে বোৰ্খা নিষিদ্ধ কৰাৰ
এইবাৰ উত্তৰ প্ৰদেশৰ মন্ত্ৰীয়ে দাবী তুলিলে বোৰ্খা নিষিদ্ধ কৰাৰ। ৰঘুৰাজ সিং নামৰ এই মন্ত্ৰীজনে বোৰ্খা নিষিদ্ধ কৰাৰ দাবী তোলোতে বিতৰ্কিত মন্তব্যও কৰে।…