৪৮ ঘণ্টীয়া অসম বন্ধ প্ৰত্যাহাৰ
গাৰো স্বায়ত্তশাসিত পৰিষদ গঠনৰ দাবীত য়ুনাইটেড গাৰো অটন’মাছ কাউন্সিল ম’ভমেণ্ট কমিটীয়ে (UGACMC) আহ্বান দিয়া ৪৮ ঘণ্টীয়া অসম বন্ধ প্ৰত্যাহাৰ কৰিছে।
আজি পুৱা ৫ বজাৰ পৰা ৩০ জানুৱাৰিৰ পুৱা বজালৈ এই বন্ধৰ আহ্বান দিয়া হৈছিল।
“আমি গোৱালপাৰা আৰক্ষী অধীক্ষক সুশান্ত বিশ্ব শৰ্মাই চৰকাৰৰ সৈতে আলোচনা কৰাই দিয়াৰ নিশ্চয়তা দিয়া বাবে বন্ধটো প্ৰত্যাহাৰ কৰিলো। কিন্তু যদিহে আলোচনাটো বিফল হয়, তেন্তে আমি আন্দোলন অব্যাহত ৰাখিম”, UGACMC-ৰ সভাপতি এলেক্স কে চাংমাই কয়।
আনহাতে যদিও বন্ধ প্ৰত্যাহাৰ কৰা বুলি কমিটীয়ে ঘোষণা কৰিছে, কিছু সংখ্যক বন্ধৰ সমৰ্থকে আজি পুৱা জিলাখনৰ অসম-মেঘালয়ৰ সীমাত বাণিজ্যিক যান-বাহনলৈ শিল দলিওৱা বুলি অভিযোগ উত্থাপিত হৈছে।
নখমাখুন্দিত দুৰ্বৃত্তৰ শিল বৰ্ষণত এখন ট্ৰাকৰ গ্লাছ ভাগে বুলি খবৰ পোৱা গৈছে। পাইকান নামৰ ঠাইখনতো শিল দলিওৱাৰ আন এটা ঘটনা ঘটাৰ বাতৰি পোৱা গৈছে।
উল্লেখযোগ্য যে ২৭ জানুৱাৰিত বড়ো শান্তি চুক্তি স্বাক্ষৰৰ জৰিয়তে কেন্দ্ৰই অসমত বড়োসকলৰ আন্দোলনৰ এটা সমাধান আনিলে যদিও আন একাংশই একেই পথেৰে প্ৰাপ্য আদায়ৰ বাবে টঙালি বান্ধিছে।
আনহাতে নামনি অসমত বড়ো শান্তি চুক্তিক লৈও মিশ্ৰিত প্ৰতিক্ৰিয়া দেখা গৈছে আৰু অবড়োসকলে ঠায়ে ঠায়ে ইয়াৰ প্ৰতিবাদ কৰিছে।
You may also like
কৰ্ণাটকত বিজেপিৰ ফলাফল বেয়া হ’ব বুলি জানিছিলোঁৱেই – হিমন্ত বিশ্ব শৰ্মা
মুখ্যমন্ত্ৰী ড০ হিমন্ত বিশ্ব শৰ্মাই শনিবাৰে দাবী কৰে যে কৰ্ণাটকত কংগ্ৰেছ ক্ষমতালৈ আহিব বুলি তেওঁ পূৰ্বৰ পৰাই নিশ্চিত আছিল। তেওঁ কয়,‘‘যোৱা নিৰ্বাচনতো…
স্বচ্ছ ভাৰতৰ অধীনৰ শৌচাগাৰ নিৰ্মাণত ব্যাপক দুৰ্নীতি-অনিয়ম সংঘটিত হোৱাৰ অভিযোগ
কলিয়াবৰত স্বচ্ছ ভাৰতৰ অধীনত চৰকাৰে প্ৰদান কৰা শৌচাগাৰ নিৰ্মাণত ব্যাপক দুৰ্নীতি-অনিয়ম সংঘটিত হোৱাৰ অভিযোগ উঠিছে। অতি নিম্নমানৰ সামগ্ৰীৰে শৌচাগাৰ নিৰ্মাণ কৰাৰ বাবে…
অসমৰ জ্যেষ্ঠ সাংবাদিক পদ্মেশ্বৰ চিত্ৰকৰৰ মৃত্যু
বুধবাৰে অসমৰ জ্যেষ্ঠ সাংবাদিক পদ্মেশ্বৰ চিত্ৰকৰৰ মৃত্যু হয়। গুৱাহাটীৰ এখন ব্যক্তিগত চিকিৎসালয়ত মৃত্যুবৰণ কৰে জ্যেষ্ঠ সাংবাদিকজনে। শিৱসাগৰৰ শিমলুগুৰিত জন্মগ্ৰহণ কৰা চিত্ৰকৰ দৈনন্দিন…
সমলিংগীয় বিবাহক স্বীকৃতি দিয়ক : মুখ্য ন্যায়াধীশলৈ চিঠি পিতৃ-মাতৃৰ
সমলিংগীয় বিবাহক আইনী স্বীকৃতি প্ৰদান কৰক – এই দাবীৰে দেশৰ প্ৰায় ৪০০ ৰো অধিক সমকামী সন্তানত অভিভাৱকে চিঠি লিখিছে দেশৰ সৰ্বোচ্চ ন্যায়ালয়ৰ…