নিয়ম উলংঘাকাৰী চিটি বাছ সমূহৰ বিৰুদ্ধে মহানগৰীত যান-বাহন আৰক্ষীৰ অভিযান

মহানগৰীৰ চিটি বাছ চালক সকলে নিয়ম উলংঘা কৰি যান-বাহন চলোৱাৰ ক্ষেত্ৰত কঠোৰ পদক্ষেপ গ্ৰহণ কৰিছে মহানগৰ যানবাহন আৰক্ষীয়ে।

মহানগৰীৰ যান-জট নিয়ন্ত্ৰণৰ লগতে যাত্ৰী সকলক সুৰক্ষা প্ৰদান কৰাৰ লগতে মহামান্য উচ্চতম ন্যায়ালয়ৰ নিৰ্দেশ অনুসৰি যানবাহন আৰক্ষীয়ে চিটি বাছৰ বাবে বিভিন্ন নিয়ম বান্ধি দিছে।

আজি ৰাতিপুৱাৰে পৰা মহানগৰীৰ বিভিন্ন স্থানত যান-বাহন আৰক্ষীয়ে নিয়ম  উলংঘাকাৰী চিটি বাছৰ বিৰুদ্ধে অভিযান চলায়।

এই অভিযান কালত ৮০ খনতকৈ অধিক বাছে জৰিমনা ভৰিব লগা হয়।

যানবাহন আৰক্ষীয়ে তলত উল্লেখ কৰা নিয়ম সমূহ উলংঘা কৰিলে বাছ সমূহে জৰিমনা ভৰিব লাগিব বুলি কয়-

• বাছ সমূহত লগোৱা পথৰ নং আৰু পাৰ্মিট ৰোড ডিচপ্লে আদি যদি আইন সংগত নহয় তেনেহলে জৰিমনা ভৰিব লাগিব৷
• চিটি বাছ সমূহে বাছ সমূহত এক মিনিট সময়হে ৰ’ব পাৰিব।
• সুৰাপান কৰি গাড়ী চলালে জৰিমনা ভৰিব লাগিব।
• গাড়ী চলাৰ সময়ত চিটি বাছৰ দৰ্জা বন্ধ থাকিব লাগিব।
• যাত্ৰীসকল পিছৰ দৰ্জাৰে প্ৰবেশ কৰি সন্মুখৰ দৰ্জাৰে প্ৰস্থান কৰিব লাগিব ইত্যাদি।

আদালতৰ নিয়ম কাৰ্য্যকৰী কৰাৰ বাবেহে এই পদক্ষেপ গ্ৰহণ কৰা হৈছে বুলি জিলা পৰিবহন বিষয়া বাপন কলিতাই জনায়।