মৃত্যুৰ কিৰিলি! বেলকনিত পাৰ্টি কৰি থকাৰ সময়ত ২৪ মহলাৰ পৰা পৰি গ’ল দ্বাদশ শ্ৰেণীৰ ছাত্ৰ

মুকলি বেলকনিত পাৰ্টি চলি আছিল, হঠাতে ২৪ নং মহলাৰ ওপৰৰ পৰা তললৈ সৰি পৰিল দ্বাদশ শ্ৰেণীৰ এজন ছাত্ৰ।

বন্ধু-বান্ধৱীৰ সৈতে মদ্যপানত ব্যস্ত আছিল ছাত্ৰজন। উদ্যমেৰে নৃত্য চলিছিল। কিন্তু সেই আনন্দ নিমিষতে চকুলোলৈ পৰিণত হ’ল। ২৪ নং মহলাৰ বেলকনিৰ পৰা পৰি এজন ছাত্ৰৰ মৃত্যু হ’ল। 

গ্ৰেটাৰ নয়ডাত সংঘটিত হৈছে এই কৰুণ ঘটনা।

স্থানীয় সূত্ৰ অনুসৰি মৃত ছাত্ৰজনৰ নাম প্ৰণৱ শ্ৰীবাস্তৱ। তেওঁৰ ঘৰ নয়দাৰ গৌড় সুন্দৰাম অঞ্চলত। প্ৰণৱে সেই অঞ্চলৰ বহুমহলীয়া অট্টালিকাৰ চৌবিশ মহলাত পৰিয়ালৰ সৈতে বাস কৰিছিল। কেতিয়াবা ফ্লেটৰ বেলকনিত বন্ধু-বান্ধৱীৰ সৈতে পাৰ্টি হৈছিল।

তেনেকৈ সোমবাৰেও পাৰ্টি অনুষ্ঠিত হয়। চৌবিশ মহলাৰ খোলা বেলকনিত প্ৰণৱে লগৰবোৰৰ লগত নাচি-নাচি মদ খাই আছিল। তাৰ পৰাই হঠাৎ তললৈ পৰি গ’ল প্ৰণৱ।

অৱশ্যে আৰক্ষীৰ প্ৰাৰম্ভিক ধাৰণা হৈছে যে ছাত্ৰজনে হয়তো আত্মহত্যা কৰিছে। ইয়াৰ উপৰিও আৰক্ষীয়ে হত্যাৰ সন্দেহকো নুই কৰা নাই। সমগ্ৰ ঘটনাৰ তদন্ত আৰম্ভ হৈছে।