ৰাছিয়াত ৭.১ প্ৰাবল্যৰ শক্তিশালী ভূমিকম্পৰ জোকাৰণি; ছুনামী সতৰ্কতা জাৰি
ৰাছিয়াৰ কামচাটকা অঞ্চলৰ পূব উপকূলত এক প্ৰবল ভূমিকম্পই জোকাৰি গৈছে। জাৰ্মান ৰিচাৰ্চ চেণ্টাৰ ফৰ জিঅ’ছায়েন্সেছে জনোৱা মতে, শনিবাৰে সংঘটিত হোৱা এই ভূমিকম্পৰ প্ৰাবল্য আছিল ৰিখটাৰ স্কেলত ৭.১ আৰু ইয়াৰ কেন্দ্ৰবিন্দু আছিল ভূগৰ্ভৰ পৰা মাত্ৰ ১০ কিলোমিটাৰ (৬.২ মাইল) গভীৰত।
অৱশ্যে আমেৰিকা যুক্তৰাষ্ট্ৰৰ ভূতাত্ত্বিক জৰীপ (USGS) য়ে ভূমিকম্পৰ প্ৰাবল্য ৭.৪ আৰু ৩৯.৫ কিলোমিটাৰ (২৪.৫ মাইল) গভীৰত বুলি প্ৰকাশ কৰিছে। পেচিফিক ছুনামী সতৰ্কবাণী কেন্দ্ৰই ভূমিকম্পৰ পিছত সকীয়াই দিছে যে ছুনামীৰ সম্ভাৱ্য ভাবুকি আছে।
কিন্তু জাপানৰ ৰাজহুৱা সম্প্ৰচাৰক এন এইচ কেৰ বাতৰি অনুসৰি দেশখনৰ বতৰ বিজ্ঞান সংস্থাই কামচাটকা উপদ্বীপৰ দক্ষিণ-পশ্চিম দিশৰ বাবে ছুনামীৰ সতৰ্কবাণী জাৰি কৰা নাই।
ইয়াৰ পূৰ্বে চলিত বৰ্ষৰ জুলাই মাহত একেটা অঞ্চলতে ৮.৮ মাত্ৰাৰ শক্তিশালী ভূমিকম্পই সমগ্ৰ প্ৰশান্ত মহাসাগৰৰ বাবে ছুনামীৰ সতৰ্কতা জাৰি কৰিছিল।
আজিৰ ভূমিকম্পত এতিয়ালৈকে কোনো লোক হতাহতি বা ক্ষয়-ক্ষতি নিশ্চিত হোৱা নাই যদিও সংশ্লিষ্ট কৰ্তৃপক্ষই পৰিস্থিতিৰ ওপৰত তীক্ষ্ণ দৃষ্টি ৰাখিছে।
You may also like
মাৰ্ঘেৰিটাত অসম চাহ মজদুৰ সংঘ, আছা আৰু আটছাৰ উত্তাল প্ৰতিবাদী সমদল
অসম চাহ মজদুৰ সংঘ মাৰ্ঘেৰিটা শাখাৰ উদ্যোগত তথা আটছা আৰু আছা মাৰ্ঘেৰিটা শাখাৰ সহযোগত কেইবা শতাধিক চাহ শ্ৰমিক পুৰুষ-মহিলাই আজি মাৰ্ঘেৰিটাত উত্তাল…
সাংবাদিকসকলক ভেকচিন প্ৰদান কৰাটো মুখ্য বিষয় হিচাপে ল’ব লাগে, ক’লে কেজৰিৱালে
ক’ভিড-১৯ নিয়ন্ত্ৰণৰ ক্ষেত্ৰত সংবাদকৰ্মীসকলক প্ৰাথমিক যোদ্ধা হিচাপে গণ্য কৰি তেওঁলোকক ভেকচিন প্ৰদান কৰাটো মুখ্য বিষয় হ’ব লাগে। দিল্লীৰ মুখ্যমন্ত্ৰী অৰবিন্দ কেজৰিৱালে বুধবাৰে…
পবিতৰা বন্যপ্ৰাণী অভয়াৰণ্যত নতুন পৰ্যটক নিৱাস উদ্বোধন
মৰিগাঁও জিলাত অৱস্থিত পবিতৰা বন্যপ্ৰাণী অভয়াৰণ্যলৈ অহা পৰ্যটকৰ সুবিধাৰ্থে ৰাজ্য চৰকাৰে অভয়াৰণ্যখনত নিৰ্মাণ কৰা এটা নৱ নিৰ্মিত পৰ্য্টক নিৱাস কালি ৰাইজৰ বাবে…
মাজুলীৰ সীমান্তৱৰ্তী বৰালীমৰা অঞ্চলত টুলুঙা নাৱেৰে বিপদ সংকুল যাত্ৰা স্কুলীয়া ছাত্ৰ-ছাত্ৰীৰ
মাজুলীৰ সীমান্তৱৰ্তী লখিমপুৰ জিলাৰ অন্তৰ্গত বৰালীমৰা অঞ্চলত বছৰ বছৰ ধৰি যাতায়াতৰ দুৰৱস্থাই জীয়াতু ভোগাই আহিছে অঞ্চলটোৰ জনসাধাৰণক । বাট-পথৰ অতি বেয়া অৱস্থাৰ…