বোকাখাত প্ৰেছ ক্লাবৰ সভাপতি ভবানন্দ কলিতাৰ গ্ৰন্থ ‍‘জীৱন লেছেৰি’ উন্মোচন

বোকাখাতৰ পুৱতি সাহিত্য সভা ভৱনত সোমবাৰৰ দিনা পুৱতি সাহিত্য সভাৰ উদ্যোগত আয়োজিত এক অনুষ্ঠানত জ্যেষ্ঠ সাংবাদিক তথা বোকাখাত প্ৰেছ ক্লাবৰ সভাপতি ভবানন্দ কলিতাৰ “জীবন লেছেৰি” নামৰ গ্ৰন্থ খন উন্মোচন কৰা হয়।

সাংবাদিক গৰাকীৰ জন্মদিনৰ লগত সংগতি ৰাখি পুৱতি সাহিত্য সভাই আয়োজন কৰা এই অনুষ্ঠানৰ পৌৰহিত্য কৰে পুৱতি সাহিত্য সভাৰ সভাপতি অপূর্ব বৰদলৈয়ে৷

পুৱতি সাহিত্য সভাৰ সম্পাদক গীতাঞ্জলি কলিতাই আঁত ধৰা এই অনুষ্ঠানত ভবানন্দ কলিতাৰ গ্ৰন্থ উন্মোচন কৰে বোকাখাত জিলা মইনা পাৰিজাতৰ সভাপতি মনোৰঞ্জন সেনে।

গ্ৰন্থ উন্মোচনী ভাষনত মনোৰঞ্জন সেনে কয় যে জীবনৰ অভিজ্ঞতাৰ পৰা লেখকে সমল গোটাই এই গ্ৰন্থ ৰচনা কৰিছে।

অনুষ্ঠানত সমাজকৰ্মী মিনতি দলে, অসম সাহিত্য সভাৰ কাৰ্য্যনিৰ্বাহক সদস্য হেমেন হাজৰিকা, সাংবাদিক অচ্যুত হাজৰিকা, কবি পলিমা চেতিয়া বসুমতাৰী, সদৌ অসম লেখিকা সমাৰোহ সমিতিৰ কাৰ্য্যকৰী সভানেত্রী সূৱর্ণ শইকীয়া বৰদলৈৰ লগতে আন বহুতো গণ্য মান্য ব্যক্তি উপস্থিত থাকে।

অনুষ্ঠানতে জ্যেষ্ঠ সাংবাদিক ভবানন্দ কলিতাক তেওঁৰ ওপজা দিনৰ বাবে স্বেচ্চাসেৱী সংগঠন গ্ৰাছ, পুৱতি সাহিত্য সভা, লেখিকা সমাৰোহ সমিতি আদিৰ উপৰি বিভিন্ন জনে শুভেচ্ছা জ্ঞাপন কৰে৷