যুৱকক মাৰধৰ, শ্বহীদ বেদীক অপমান; ছাত্ৰ মুক্তিৰ নেতা ৰাহুল ছেত্ৰীসহ দুজনৰ বিৰুদ্ধে আৰক্ষীত গোচৰ

ছাত্ৰ মুক্তিৰ কেন্দ্ৰীয় সাধাৰণ সম্পাদক ৰাহুল ছেত্ৰীৰ বিৰুদ্ধে গোচৰ তৰা হৈছে। তেওঁৰ বিৰুদ্ধে যুৱকক মাৰধৰ কৰাত উচটনি আৰু শ্বহীদ বেদীক অপমান কৰাৰ অভিযোগ উত্থাপিত হৈছে।

জাগুনৰ নিপম জ্যোতি গগৈ নামৰ এজন যুৱকক ছাত্ৰ মুক্তিৰ কেন্দ্ৰীয় সাধাৰণ সম্পাদক ৰাহুল ছেত্ৰীৰ নেতৃত্বত গুৰুলা-গুৰুলকে মাৰধৰ কৰাত গুৰুতৰভাৱে আঘাতপ্ৰাপ্ত হৈ নিপম জ্যোতি গগৈ বুধবাৰে মাৰ্ঘেৰিটা চিকিৎসালয়ত চিকিৎসাধীন হয়।

ৰাহুলৰ উচটনিত প্ৰাক্তন যুৱ কংগ্ৰেছী দেৱ গুৰুং আৰু ছাত্ৰ মুক্তিৰ টিৰাপ জাগুন আঞ্চলিকৰ কাৰ্য্যকৰি সভাপতি ধৰ্মৰাজ শৰ্মাই মাৰধৰ কৰাৰ অভিযোগ উত্থাপন হৈছে।

লগতে পঢ়ক: Lalit Modi and Sushmita Sen: আই পি এলৰ প্ৰাক্তন বিতৰ্কিত অধ্যক্ষ ললিত মোদীয়ে বিয়া পাতিলে অভিনেত্ৰী সুস্মিতা সেনক!

বৃহস্পতিবাৰে টাই আহোম যুৱ পৰিষদৰ মাৰ্ঘেৰিটা মহকুমা সমিতি আৰু নিপমৰ পৰিয়ালে ৰাহুল ছেত্ৰীসহ দেৱ গুৰুং আৰু ধৰ্মৰাজৰ বিৰুদ্ধে এজাহাৰ দাখিল কৰে জাগুন আৰক্ষীত।

আনহাতে, ৰাহুল ছেত্ৰীৰ নেতৃত্বত বুধবাৰে জাগুনস্থিত শ্বহীদ বেদীক অপমান কৰাৰ বিৰুদ্ধে জাঙুৰ খাই উঠিছে টাইপা। বৃহস্পতিবাৰে জাগুনৰ শ্বহীদ বেদীক গাখীৰ ঢালি পৱিত্ৰ কৰাৰ লগতে ৰাহুল ছেত্ৰীক গ্ৰেপ্তাৰ কৰিবলৈ দাবী জনায় টাইপাই।

টাইপাৰ নেতা জানা সন্দৈকেয়ে সংবাদমাধ্যমৰ আগত কয় যে আইনে অনতিপলমে ৰাহুল ছেত্ৰীসহ আন দুজনক কঠোৰ শাস্তি প্ৰদান কৰক অন্যথা টাইপাই তীব্ৰ আন্দোলন কৰিবলৈ বাধ্য হ’ব।

লগতে পঢ়ক: Daler Mehndi: মানৱ সৰবৰাহৰ গোচৰত গ্ৰেপ্তাৰ দালেৰ মেহেন্দি; ২ বছৰৰ কাৰাদণ্ডৰ নিৰ্দেশ আদালতৰ

ইপিনে, টিএমপিকেই জাগুন আৰক্ষীক নিপম জ্যোতিয়ে অশ্লীল বাক্য প্ৰয়োগ কৰিছিল বুলি আন এক গোচৰ প্ৰদান কৰিছে জাগুন আৰক্ষীক।

উল্লেখ্য যে কালি ছাত্ৰ মুক্তিৰ কেন্দ্ৰীয় সম্পাদক ৰাহুল ছেত্ৰীৰ নেতৃত্বত শেহতীয়াকৈ জাগুনৰ যুৱক দেৱজিৎ পায়েঙৰ মৃত্যুৰ তদন্ত আৰু ক্ষতিপূৰণৰ দাবীত এক প্ৰতিবাদী সমদল বাহিৰ কৰিছিল আৰু শ্বহীদ বেদীত চাকি বন্তি জ্বলাইছিল।

উক্ত স্থানত উপস্থিত থকা নিপম জ্যোতিয়ে মদাহী আৰু ড্ৰাগছ আসক্তক কিয় শ্বহীদৰ মৰ্যাদা দিয়া হৈ বুলি কোৱাত নিপম জ্যোতিক গুৰুলা-গুৰুলকৈ মাৰধৰ কৰে। ইয়াৰ পাছতেই নিপম জ্যোতিক মাৰ্ঘেৰিটা অসামৰিক চিকিৎসালয়লৈ অনা হয় যদিও উন্নত চিকিৎসাৰ বাবে এখন ব্যক্তিগত চিকিৎসালয়ত চিকিৎসাধিন কৰা হয়।

লগতে পঢ়ক: Barshashri Buragohain: কাৰাবন্দী বৰ্ষাশ্ৰী বুঢ়াগোহাঁইক পৰীক্ষাত বহিবলৈ অনুমতি দিলে আদালতে

ইয়াৰ পাছৰে পৰা সমগ্ৰ মাৰ্ঘেৰিটা মহকুমাতেই প্ৰতিক্ৰিয়া অব্যাহত আছে। ইয়াৰ মাজতেই একাংশ সচেতন মহলে প্ৰশ্ন উত্থাপন কৰিছে ছাত্ৰ মুক্তিৰ কেন্দ্ৰীয় নেতা ৰাহুল ছেত্ৰীৰ বিৰুদ্ধে যি অভিযোগ উত্থাপন হৈছে ইয়াৰ বিৰুদ্ধে ছাত্ৰ মুক্তিয়ে কেনে ধৰণৰ ব্যৱস্থা গ্ৰহণ কৰে সেইয়া অতি লক্ষণীয় হ’ব।