মুম্বাইৰ পিছত এইবাৰ নতুন দিল্লীৰ ছফদৰগঞ্জ চিকিৎসালয়ৰ আইচিইউত ভয়াৱহ অগ্নিকাণ্ড

২৬ মাৰ্চৰ দিনা মুম্বাইৰ কোভিড হাস্পতালত ভয়ংকৰ অগ্নিকাণ্ডৰ সূত্ৰপাত ঘটাৰ পিছত আজি নতুন দিল্লীৰ ছফদৰগঞ্জ চিকিৎসালয়ৰ আইচিইউত সংঘটিত হয় আন এক ভয়ংকৰ অগ্নিকাণ্ড।

জুই লগাৰ পিছতে চিকিৎসালয় খনৰ আইচিইউৰ পৰা ৫০ গৰাকী ৰোগীক নিৰাপদে স্থানান্তৰিত কৰিব পৰা হৈছে বুলি জানিব পৰা গৈছে।

এতিয়া লৈকে অগ্নিকাণ্ডৰ ফলত হতাহতৰ সংখ্যা জানিব পৰা হোৱা নাই।উল্লেখ্য ২৬ মাৰ্চতো এক বিধ্বংসী অগ্নিকাণ্ড সংঘটিত হৈছিল মুম্বাইৰ এখন কোডিড হাস্পতালত।

মুম্বাইৰ পশ্চিম ভাণ্ডুপ অঞ্চলস্থিত ড্ৰীমছ মলৰ চানৰাইজ নামৰ কোভিড হাস্পতালখনত নিশা ১২.৩০ মান বজাত অগ্নিকাণ্ডৰ সূত্ৰপাত ঘটিছিল।

ফলত  ১০ গৰাকী ক’ৰ’ণাক্ৰান্তৰ  মৃতদেহ উদ্ধাৰ কৰা হৈছিল।

হাস্পতালৰ কৰ্তৃপক্ষ জনোৱা অনুসৰি প্ৰথম মহলাত সূত্ৰপাত ঘটা জুই শীৰ্ষ মহলালৈ বিয়পি পৰে। যাৰ ফলত সমগ্ৰ হাস্পতালখন ভস্মীভূত হয়।