লকডাউন : কৃষ্ণাইৰ পাইকানত চৰকাৰী কৰ্মচাৰী আৰু ব্যৱসায়ীৰ খাদ্য সামগ্ৰী বিতৰণ

ৰাজ্যখনৰ স্বাস্থ্য মন্ত্ৰী ড০ হিমন্ত বিশ্ব শৰ্মাৰ আহ্বানৰ পিছতে লকডাউনৰ মাজত দুখীয়া-দৰিদ্ৰ লোক সকলক কিছু পৰিমাণে সহায় কৰাৰ বাবে আগবাঢ়ি আহিল শিক্ষক-কৰ্মচাৰী সকল৷

ক’ৰ’না প্ৰতিৰোধৰ বাবে দেশৰ প্ৰধান মন্ত্ৰী গৰাকীয়ে আহ্বান জনোৱা ২১ দিনীয়া লকডাউনৰ সময়ত বিশেষকৈ দিন মজুৰি কৰি খোৱা লোক সকল সমস্যাত পৰিব লগা হৈছে।

ইফালে ৰাজ্যৰ স্বাস্থ্য মন্ত্ৰীৰ আহ্বানৰ পিছতে শিক্ষক চন্দন চক্ৰৱৰ্তী আৰু কৃষ্ণাইৰ বিশিষ্ট ব্যৱসায়ী ধীৰাজ চক্ৰৱৰ্তীৰ নেতৃত্বত হিতেশ চক্ৰৱৰ্তী, দিপেশ চক্ৰৱৰ্তী, নিভাচ চক্ৰৱৰ্তী আৰু অৰ্চনা দাসে সোমবাৰে কৃষ্ণাই অঞ্চলৰ দিন হাজিৰা কৰি খোৱা ৩০ টা পৰিয়ালক বিভিন্ন খাদ্য সামগ্ৰীৰ লগতে কিছু নিত্য প্ৰয়োজনীয় সামগ্ৰীৰ টোপোলা প্ৰদান কৰে।

দলটোৰ লগত NEN ৰ সাংবাদিকেও সাধ্যানুসাৰে কিছু সহায় কৰে। স্বাস্থ্য মন্ত্ৰীৰ এনে ঘোষনাৰ পিছতে কৰ্মচাৰী সকলে গ্ৰহণ কৰা কাৰ্যত স্থানীয় লোক সকলে শলাগ লয়।