কোহলীক ৰজাৰ ফেডেৰাৰৰ সৈতে তুলনা এবি ডি ভিলিয়াৰ্ছৰ

এটা লাইভ ভিডিঅ’ৰ সময়ত দক্ষিণ আফ্ৰিকাৰ প্ৰাক্তন অধিনায়ক এবি ডি ভিলিয়াৰ্ছে ভাৰতীয় দলৰ অধিনায়ক বিৰাট কোহলীক টেনিছ বিশ্বৰ ২০ টা গ্ৰ্যাণ্ড শ্লামৰ অধিকাৰী ৰ’জাৰ ফেডেৰাৰ সৈতে তুলনা কৰে।

আনহাতে, ভিলিয়াৰ্ছে অষ্ট্ৰেলিয়াৰ প্ৰাক্তন অধিনায়ক ষ্টিভ স্মিথকো ৰাফেল নাডালৰ সৈতে তুলনা কৰে।

‘‘বিৰাট কোলী স্বভাৱজাত শৈলীৰ বেটছমেন…..স্মিথ নাডালৰ দৰে, মানসিকভাৱে অতি শক্তিশালী,’’ ভিলিয়াৰ্ছে কয়।

‘’ স্মিথ কৌশলগতভাৱে সম্পূৰ্ণ সঠিক নহলেও ক্ৰিকেটৰ বহু অভিলেখ ভংগ কৰিবলৈ সক্ষম হৈছে,’’ ভিলিয়াৰ্ছে লগতে কয়।

উল্লেখযোগ্য যে, দক্ষিণ আফ্ৰিকাৰ তাৰকা ক্ৰিকেটাৰ গৰাকীয়ে ৰোয়েল চেলেঞ্জাৰ বাংগালুৰুৰ হৈ আই পি এলত বিৰাট কোহলীৰ সৈতে একেলগে বহু ক্ৰিকেট খেলিছে।

আনহাতে, ইংলেণ্ডৰ প্ৰাক্তন অধিনায়ক এলেষ্টাৰ কুকে ব্ৰাইন লাৰাৰ সমকক্ষৰ বেটছমেন সকলৰ তালিকাত ভাৰতীয় অধিনায়ক বিৰাট কোহলীৰ নামটো বাচনি কৰে।

কুকে কোহলীৰ উপৰিও কুমাৰ ছাংগাকাৰা, ৰিকি পইণ্টিং, জেক কালিছৰ নামো উল্লেখ কৰে।