আৰ্থিকভাৱে দুৰ্বল ছাত্ৰ-ছাত্ৰীৰ বাবে যুৱ উদ্ভাৱক অভিজিত দুৱৰাৰ আন এক উদ্ভাৱন ‘মনোৰথ’
ফটো: নৰ্থইষ্ট নাও।
আৰ্থিকভাৱে দুৰ্বল ছাত্ৰ-ছাত্ৰীৰ সহায়ৰ বাবে শিৱসাগৰৰ যুৱ উদ্ভাৱক অভিজিত দুৱৰাই আৱিস্কাৰ কৰিলে ‘মনোৰথ’।
মনোৰথ এটা সৰু বাকচ। শিৱসাগৰৰ বিভিন্ন স্থানত ইয়াক স্থাপন কৰা হৈছে আৰু এই বাকচৰ ভিতৰত এখন বহী আৰু এটা কলম থোৱা হৈছে।
আৰ্থিকভাৱে দূৰ্বল কোনো ছাত্ৰ-ছাত্ৰীক শিক্ষা সম্পৰ্কীয় কোনো সামগ্ৰীৰ প্ৰয়োজন হ’লে উক্ত বহীত নিজৰ নাম ঠিকনা ফোন নম্বৰৰ সহিতে কি সামগ্ৰীৰ প্ৰয়োজন সেয়া লিখি থব পাৰিব।
পৰৱৰ্তী সময়ত সমাজ সচেতন ব্যক্তিসকলে মনোৰথত থকা উক্ত বহী পৰীক্ষা কৰি সামৰ্থনুযায়ী অভাৱী ছাত্ৰ-ছাত্ৰীক প্ৰয়োজনীয় সামগ্ৰী প্ৰদান কৰিব পাৰিব।
ইয়াৰোপৰি এই মনোৰথত কিতাপ আদান-প্ৰদানো কৰিব পাৰিব বুলি জানিবলৈ দিয়ে অভিজিত দুৱৰাই।
অভিজিত দুৱৰাৰ এই মনোৰথৰ আজি উদ্ধোধন কৰে ভাস্কৰ্য শিল্পী দূৰ্লভ বড়া আৰু সমাজসেৱিকা ডাঃ অংশুমিতা গগৈয়ে।