বোকাখাতত আদিবাসী ছাত্ৰ সন্থাৰ প্ৰতিবাদী সমদল

সদৌ অসম আদিবাসী ছাত্র সংস্থা (আছা)ৰ কেন্দ্রীয় তথা জিলা সমিতি আৰু বােকাখাত আঞ্চলিক সমিতিৰ উদ্যোগত আজি বোকাখাতত এক প্ৰতিবাদী কাৰ্যসুচী অনুষ্ঠিত কৰাৰ লগতে শ্ৰম মন্ত্ৰী সঞ্জয় কৃষণ আৰু সাংসদ পল্লৱ লোচন দাসৰ প্ৰতিকৃতিও দাহ কৰে ৷

ছাত্ৰ সংগঠনটোৰ উদ্যোগত বোকাখাত নগৰত আদিবাসী সকলক জনজাতিকৰণ কৰা চাহ শ্ৰমিকৰ মজুৰী বৃদ্ধি কৰাৰ লগতে ৬ টাকৈ দাবী পুৰণৰ দাবীত এক প্ৰতিবাদী সমদল উলিয়ায় ৷

সমদলৰ শেষত বোকাখাতৰ চাৰিআলিত প্ৰতিবাদকাৰী সকলে ৰাজ্যৰ আদিবাসী সকলক বিষয়ে তুলুঙা মন্তব্য দি তাচ্ছিল্য কৰাৰ বাবে পল্লৱ লোচন দাস আৰু সঞ্জয় কিষণৰ প্ৰতিকৃতি দাহ কৰে ৷

পৰৱৰ্তী সময়ত প্ৰতিবাদকাৰী সকলে বোকাখাতৰ দণ্ডাধীশৰ জড়িয়তে অসমৰ মুখ্যমন্ত্ৰীলৈ তেওঁলোকৰ ৬ দফীয়া দাবীৰে এক স্মাৰক পত্ৰ প্ৰেৰণ কৰে ৷

স্মাৰক পত্ৰৰ জড়িয়তে ছাত্ৰ সংগঠনটোয়ে আদিবাসী সকলক অতি শীঘ্রে জনজাতিৰ মর্যদা দিয়া, চাহ বাগিচাৰ শ্রমিকৰ  দৈনিক মজুৰি ৩৫১ টকালৈ বৃদ্ধি কৰা,  চাহ বাগিচাৰ শ্রমিক সকলক ভূমিৰ পট্টা প্রদান কৰা , ৰাজ্যৰ আদিবাসী এলেকা সমূহত চলি থকা অবৈধ সুৰাৰ ব্যৱসায় বন্ধ কৰা, সীমা এলেকাসমূহৰ সীমা সমস্যা সমাধান কৰা আৰু  আদিবাসী সকলক স্বায়ত্বশাসিত পৰিষদ দিয়াৰ ব্যৱস্থা কৰাৰ দাবী জনায় ৷

প্ৰতিবাদকাৰী সকলে ৰাজ্যৰ বিভিন্ন প্ৰান্তৰ লগতে বোকাখাতৰ বিভিন্ন স্থানত হাতীয়ে কৃষকৰ কৃষিভুমিৰ বিস্তৰ ক্ষতি কৰাৰ পাচতো কোনো ব্যৱস্থা গ্ৰহণ নকৰাৰ বাবে বোকাখাতৰ বিধায়ক কৃষি মন্ত্ৰী অতুল বৰা আৰু বনমন্ত্ৰী পৰিমল শুক্লবৈদ্যকো তীব্ৰ ভাষাৰে সমালোচনা কৰে ৷