অজাপৰ সভাপতি লুৰীণজ্যোতি গগৈৰ মাতৃৰ বিয়োগ : আলফা(স্বা)ৰ শোকপ্ৰকাশ
অসম জাতীয় পৰিষদৰ সভাপতি লুৰীণজ্যোতি গগৈৰ মৃত্যুত গভীৰ শোক প্ৰকাশ কৰিছে আলফা(স্বাধীন)এ।
সংবাদ মাধ্যমলৈ প্ৰেৰণ কৰা এক বিবৃতিত বিদ্ৰোহী সংগঠনটোৱে লুৰীণজ্যোতি গগৈৰ মাতৃৰ বিয়োগত শোকপ্ৰকাশ কৰা বুলি জানিবলৈ দিছে।
সংগঠনটোৰ প্ৰতিজন নেতা, বিষয়া, সদস্যই লুৰীণজ্যোতি গগৈৰ মাতৃৰ শোকপ্ৰকাশ কৰা বুলিও বিবৃবিটোৰ যোগে জানিবলৈ দিছে।
“যোৱা ৩১/০৩/২০২১ তাৰিখ বুধবাৰে নিশা অসম জাতীয় পৰিষদৰ সভাপতি লুৰীণজ্যোতি গগৈৰ মাতৃয়ে আকস্মিকভাৱে উচ্চ ৰক্তচাপত আক্ৰান্ত হৈ ইহলীলা সম্বৰণ কৰে। তেখেতৰ অকাল বিয়োগত ‘সংযুক্ত মুক্তি বাহিনী অসম(স্বাধীন)’ সংগঠনৰ প্ৰতিজন নেতা, বিষা, সদস্যই গভীৰ শোক প্ৰকাশ কৰাৰ লগতে শোকসন্তপ্ত পৰিয়াল বৰ্গলৈ আন্তৰিক সমবেদনা জনাই মৃতকৰ বিদেহী আত্মাৰ সদগতি কামনা কৰিলো।” কেপ্তেইন ৰুমেল অসমৰ স্বাক্ষৰিত প্ৰেছ বিবৃতিটোত সংগঠটোৱে এইদৰে কয়।
উল্লেখ্য যে চিকিৎসকে ঘোষণা কৰা অনুসৰি যোৱা নিশা ১০.৪৫ বজাত শেষ নিশ্বাস ত্যাগ কৰে লুৰীণজ্যোতি গগৈৰ মাতৃয়ে।
দুলু গগৈ উচ্চ ৰক্তচাপত আক্ৰান্ত হৈ ডিব্ৰুগড়স্থিত ব্যক্তিগত খণ্ডৰ সঞ্জীৱনী হাস্পতালত চিকিৎসাধীন হৈ আছিল।
হঠাতে ব্ৰেইন ষ্ট্ৰ’ক হোৱাৰ বাবে ততাতৈয়াকৈ লুৰীণজ্যোতি গগৈৰ মাতৃক চচিকিৎসালয়ত ভৰ্তি কৰাৱা হৈছিল।
২৯ মাৰ্চত চিকিৎসালয়ত চিকৎসাৰ বাবে ভৰ্তি কৰোৱাৰ পিছত পুত্ৰ লুৰীণজ্যোতি গগৈয়ে মাতৃক দেখা কৰি পুনৰ কালি নামনি অসমত নিৰ্বাচনী প্ৰচাৰত ব্যস্ত হৈছিল।