বুধবাৰে বন্ধ থাকিব মহানগৰীৰ সকলো শিক্ষানুষ্ঠান: ঘোষণা প্ৰশাসনৰ
নেৰানেপেৰা বৰষুণ আৰু বানবিধ্বস্ত পৰিস্থিতিৰ প্ৰতি লক্ষ্য ৰাখি কামৰূপ (মেট্ৰ’) জিলা প্ৰশাসনে বুধবাৰে গুৱাহাটীত সকলো শিক্ষানুষ্ঠান বন্ধ ৰখাৰ কথা ঘোষণা কৰিছে।
কামৰূপ (মেট্ৰ’)ৰ উপায়ুক্ত পল্লৱ গোপাল ঝাই এক জাননীত কয়, “বতৰ বিজ্ঞান কেন্দ্ৰই কামৰূপ মহানগৰত ধাৰাসাৰ বৰষুণৰ সম্ভাৱনীয়তাৰ আগজাননী দিছে। বিভাগৰ আগজাননীৰ পৰিপ্ৰেক্ষিতত সতৰ্কতামূলক পদক্ষেপ হিচাপে বুধবাৰে চৰকাৰী তথা ব্যক্তিগত, সকলো শিক্ষাপ্ৰতিষ্ঠান বন্ধ থাকিব।”
অৱশ্যে, ইতিমধ্যে নিৰ্দ্ধাৰিত হৈ থকা পৰীক্ষাসমূহ অনুষ্ঠিত কৰা হ’ব বুলি তেওঁ লগতে কয়।
ইফালে নেৰানেপেৰা বৰষুণৰ প্ৰতি লক্ষ্য ৰাখি কামৰূপ মেট্ৰ’জিলা প্ৰশাসনৰ তৰফৰ পৰা নাগৰিকসকলক অতি প্ৰয়োজনীয় নোহোৱালৈকে বাহিৰলৈ নাযাবলৈ পৰামৰ্শ দিয়া হৈছে।
যিসকল লোকৰ বাসস্থানত পানী জমা/ভূমিস্খলন হোৱাৰ সম্ভাৱনা আছে তেনে লোকক সুৰক্ষিত স্থানলৈ স্থানান্তৰ কৰাৰ কথা বিবেচনা কৰিবলৈ নাইবা ১০৭৭/৮৬৩৮১১২২৯৭ নম্বৰত জিলা প্ৰশাসনৰ সৈতে যোগাযোগ কৰিবলৈ আহ্বান জনাইছে কামৰূপ মহানগৰ’ জিলা প্ৰশাসনে।
আনহাতে, কামৰূপ মহানগৰ জিলা উপায়ুক্তই দিয়া এক জৰুৰী বাৰ্তাত কোৱা হৈছে যে যিকোনো জৰুৰী অৱস্থাৰ বাবে গুৱাহাটী ৰাজহ চক্ৰ বিষয়াক ৯৫০৮২-০৯৬৮৬ নম্বৰত, ফিল্ড অ’ফিচাৰ গুৱাহাটী (DDMA)ক ৯৭০৭৭-২৭৪২২ নম্বৰত অথবা দিছপুৰ ৰাজহ চক্ৰ বিষয়াক ৮৩৭৬০-২৯৯৮৪ নম্বৰত আৰু ফিল্ড অ’ফিচাৰ দিছপুৰ (DDMA)ক ৮৮৭৬০-৮৬৪৮৮ নম্বৰত নাইবা প্ৰশাসনৰ টোল ফ্ৰী নম্বৰ ১০৭৭/৯৩৬৫৪-২৯৩১৪ ত যোগাযোগ কৰক।
বাৰ্তাটোত লগতে প্ৰশাসনে সকলো সময়তে সহায় কৰিবলৈ প্ৰস্তুত থকাৰ কথা জানিবলৈ দিছে।
You may also like
বোকাখাতত যুৱকৰ দ্বাৰা কোৱাৰেণ্টাইন কেন্দ্ৰৰ বিস্তৰ ক্ষতি; মহকুমাধিপতিয়ে দাখিল কৰিলে এজাহাৰ
বোকাখাতৰ এটা কোৱাৰেণ্টাইন কেন্দ্ৰত বহিঃ ৰাজ্যৰ পৰা আহি ভৰ্তি হৈ থকা এদল যুৱকে কেন্দ্ৰটোৰ বিস্তৰ ক্ষতি সাধন কৰে। যাৰ বাবে বোকাখাতৰ মহকুমাধিপতি…
পাৱাৰ গ্ৰীডৰ বঞ্চনাৰ বলি : ভয়ংকৰ বিপদ মূৰ পাতি লৈ দিন কটাইছে চাৰিদুৱাৰৰ চতাইবাসীয়ে
শোণিতপুৰ জিলাৰ চাৰিদুৱাৰৰ অসম অৰুণাচল সীমান্তৰ চতাই গাৰো গাওঁৰ কেইটামান পৰিয়ালে জীৱন মৰণৰ ভয়ংকৰ শংকাৰ মাজত দিন অতিবাহিত কৰিছে। পাৱাৰ গ্ৰীড কৰ্পোৰেশ্যন…
‘বিয়া পাতি দিলে, দৰা-কইনা আহি ঘৰত সোমাল, ইয়াৰ পাছত গোপনীয় খবৰ কিয় লাগে ?’ মন্ত্ৰী হিমন্ত
কালি সদৌ অসম ছাত্ৰ সন্থাই অসম চুক্তিৰ ৬ নং দফা ৰূপায়ণৰ উচ্চস্তৰীয় কমিটিৰ প্ৰতিবেদন ৰাজহুৱা কৰাৰ পাছত তেওঁলোকক উভটি ধৰিছে স্বাস্থ্য মন্ত্ৰী…
Covid Update: ৰাজ্যত নতুনকৈ কিমান লোক আক্ৰান্ত হ’ল ক’ভিডত,মৃত্যু কিমানৰ?
ৰাজ্যত বিগত ২৪ ঘন্টাত ক’ভিডত আক্ৰান্ত লোকৰ সংখ্যা হ্ৰাস পোৱাৰ লগতে পজিটিভিটিৰ হাৰ যথেষ্ট হ্ৰাস পাইছে। এই সময়ছোৱাত দৈনিক মৃত্যুৰ সংখ্যা প্ৰায়…