বিবাহপাশত আৱদ্ধ অলৰাউণ্ডাৰ বিজয় শংকৰ

ভাৰতীয় ক্ৰিকেট দলৰ অলৰাউণ্ডাৰ বিজয় শংকৰ বিবাহ পাশত আৱদ্ধ হৈছে।

ইণ্ডিয়ান প্ৰিমিয়াৰ লীগত চানৰাইজ হাইদৰাবাদৰ হৈ খেলা অলৰাউণ্ডাৰ গৰাকীয়ে ছ’চিয়েল মিডিয়াযোগে বৈশালী বিশ্বেশ্বৰণৰ সৈতে বিবাহ পাশত আৱদ্ধ হোৱাৰ ফটো ৰাজহুৱা কৰে।

বিজয় শংকৰে ছ’চিয়েল মিডিয়াত পত্নীৰ সৈতে ফটো আপলোড কৰাৰ পাছতে ভাৰতীয় ক্ৰিকেট দলৰ ভালেকেইগৰাকী ক্ৰিকেটাৰে শংকৰক শুভেচ্ছা জ্ঞাপন কৰে।

ৰবিচন্দ্ৰন আশ্বিন, শ্ৰেয়াছ আয়াৰ, যুবেন্দ্ৰ চাহাল আৰু কে এল ৰাহুলে শংকৰক দ্বিতীয় ইনিংছৰ বাবে শুভেচ্ছা জনায়।

উল্লেখযোগ্য যে, কিছুদিন পূৰ্বে ভাৰতীয় দলৰ লেগস্পীনাৰ যুবেন্দ্ৰ চাহালেও বিবাহপাশত আৱদ্ধ হৈছিল।

বিজয় শংকৰে হাৰ্দিক পাণ্ডেয়া অসুস্থ হৈ থকা সময়ত ভাৰতীয় ক্ৰিকেট দলত অলৰাউণ্ডাৰৰ ভূমিকা পালন কৰিছিল।

ইংলেণ্ডত অনুষ্ঠিত হোৱা ২০১৯ বিশ্বকাপৰ ভাৰতীয় দলটো শংকৰে স্থান লাভ কৰিছিল যদিও আঘাতজনিত সমস্যাৰ বাবে আধাতে তেওঁ স্বদেশলৈ উভতি আহিবলগীয়া হৈছিল।