গুৱাহাটীত এলেন কেৰিয়াৰ ইনষ্টিটিউটৰ অধ্যয়ন কেন্দ্ৰ মুকলি

ভাৰতৰ আগশাৰীৰ আই আই টি, জে ই ই, আৰু প্ৰি-মেডিকেল কেচিঙৰ প্ৰতিষ্ঠানসমুহৰ অন্যতম এলেন কেৰিয়াৰ ইনষ্টিটিউটত শিক্ষা গ্ৰহণৰ বাবে এতিয়া অসম বা উত্তৰ-পূৱৰ ছাত্ৰ-ছাত্ৰীয়ে বহিঃৰাজ্যলৈ যাব নালাগে। কাৰণ দেশৰ বিভিন্ন প্ৰান্তত ১৮ টা কেন্দ্ৰ থকা এই এলেন কেৰিয়াৰ ইনষ্টিটিউটে ১৯ সংখ্যক কেন্দ্ৰটো গুৱাহাটীত স্থাপন কৰিলে।

শুকুৰবাৰে মহানগৰীৰ খ্ৰীষ্টানবস্তিত কেন্দ্ৰটোৰ শুভ উদ্বোধন কৰে এলেন কেৰিয়াৰ ইনষ্টিটিউটৰ জ্যেষ্ঠ উপাধ্যক্ষ চি আৰ চৌধুৰীয়ে।

কেন্দ্ৰটো মুকলি কৰি চৌধুৰীয়ে কয়, ‘উত্তৰ-পূৱৰ ছাত্ৰ-ছাত্ৰীৰ যথেষ্ট প্ৰতিভা আছে। তেওঁলোকে এলেন কেৰিয়াৰ ইনষ্টিটিউটৰ পৰা উন্নত মানৰ শিক্ষা লাভ কৰি আই আই টি, এন এই টি-ইউ জি, এ আই আই এম এছ, এন টি এছ ই আৰু অলিম্পিয়াড সমুহত সুন্দৰ ফলাফল লাভ কৰিবলৈ সক্ষম হ’ব পাৰিব।’

উল্লেখ্য যে, এই প্ৰতিষ্ঠানটোৱে আই আই টি, জে ই ই আৰু প্ৰি-মেডিকেলৰ কোচিং আৰু ইয়াৰ ফলাফলৰ ক্ষেত্ৰত ৰাষ্ট্ৰীয় পৰ্যায়ত শীৰ্ষতম স্থান লাভৰ অভিলেখ গঢ়ি থৈছে।

প্ৰতিষ্ঠানটোৰ জ্যেষ্ঠ উপাধ্যক্ষ চি আৰ চৌধুৰীয়ে জানিবলৈ দিয়া মতে এই বছৰ এলেনৰ কেন্দ্ৰ সমুহত ১.৫৮ লাখ ছাত্ৰ-ছাত্ৰীয়ে নামভৰ্তি কৰিছে। ইয়াৰ ভিতৰত ৯৬ হাজাৰ ছাত্ৰ-ছাত্ৰীয়ে এলেন কেৰিয়াৰ ইনষ্টিটিউটৰ ৰাজস্থানৰ কোটাস্থিত মুখ্য কেন্দ্ৰত নামভৰ্তি কৰিছে।

গুৱাহাটীত এলেনৰ শ্ৰেণীসমুহ ২০১৯ চনৰ এপ্ৰিল মাহৰ পৰা আৰম্ভ হ’ব বুলিও জ্যেষ্ঠ উপাধ্যক্ষগৰাকীয়ে জানিবলৈ দিয়ে। উত্তৰ-পূৱত নতুনকৈ আৰম্ভ হ’বলগীয়া অষ্টম, নৱম আৰু দশম শ্ৰেণীৰ ছাত্ৰ-ছাত্ৰীসকলৰ বাবে আগবঢ়োৱা শ্ৰেণীকোঠাৰ পাঠ্যক্ৰমে তেওঁলোকৰ শক্তিশালী ভেটি গঢ় দিব পাৰিব বুলিও তেওঁ আশা প্ৰকাশ কৰে।

ইয়াৰ উপৰিও এই প্ৰতিস্থানে প্ৰতিভাসম্পন্ন বিদ্যাৰ্থীসকলৰ বাবে ‘এলেন শ্বাৰ্প’ নামৰ এক জলপানিও প্ৰদান কৰিব বুলি জানিবলৈ দিয়ে। এই জলপানিৰ বাবে অহা ১৬ ডিচেম্বৰত পৰীক্ষা অনুষ্ঠিত হ’ব বুলিও এলেন কৰ্তৃপক্ষই প্ৰকাশ কৰে।