Swiggy, Zomatoৰ সন্মুখত ভোকাতুৰ Amazon
বিশ্বৰ সৰ্ববৃহৎ ই-কমাৰ্চ প্লেটফৰ্ম এমাজনে দিৱালীৰ পিছতে সুসজ্জিত হৈ প্ৰত্যাহ্বান জনাব Swiggy, Zomato আদি ভাৰতীয় বজাৰৰ খাদ্য যোগানকাৰী কাম্পেনিক।
বাতৰি মতে, ভাৰতীয় বজাৰৰ চাৰিভাগৰ তিনিভাগ দখল কৰি থকা দেশী কাম্পেনিকেইটাৰ মুখামুখি হ’বলৈ এমাজনে ৫০০ মিলিয়ন ইউ এছ ডলাৰ (প্ৰায় ৩৫০০ কোটি টকা)ৰ প্ৰাৰম্ভিক পুঁজি সাজু কৰিছে।
বাতৰিটোত কোৱা হৈছে যে এই পুঁজি প্ৰাৰম্ভিকহে। আৰু ভাৰতীয় বৰ্ধিত অনলাইন খাদ্য যোগান বজাৰ দখলৰ বাবে অধিক ধন ব্যয় কৰিবলৈ এমাজন সাজু আছে।
এমাজনৰ পৰিকল্পনাটো সম্পৰ্কে অৱগত সূত্ৰৰ উদ্ধৃতিৰে কোৱা হৈছে যে কাম্পেনিটোৱে বৰ্তমানৰ খাদ্য যোগনিয়াৰ এপকেইটাক বহুদিশীয়া প্ৰত্যাহ্বান জনাব।
আমি সোমোৱা প্ৰত্যেক ব্যৱসায়কে আমি খেলি-মেলি লগাই দিছো, ই কমাৰ্চেই হওক বা পে’মেণ্ট বা মনোৰঞ্জনৰ ক্ষেত্ৰতেই হওক, সূত্ৰটোৱে কয়।
সূত্ৰটোৰ মতে, খাদ্য যোগান ধৰাৰ বাবদ ৰেষ্টোঁৰাৰ পৰা এমাজনে আদায় কৰিব লগা কমিছনৰ পৰিমাণ হ’ব বাকী কাম্পেনিসমূহৰ প্ৰতি অন্যতম প্ৰধান প্ৰত্যাহ্বান।
দ্বিতীয়তে, এমাজন প্ৰাইম সদস্যভুক্ত লয়েল গ্ৰাহকসকলক বিনামূলীয়াকৈয়ে কাম্পেনিটোৱে খাদ্য যোগান ধৰিব।
তাৰোপৰি, কম সময়ত খাদ্য যোগানৰ প্ৰতিযোগিতা আগবঢ়োৱাৰ বাবে এমাজনে আগ্ৰাসী ৰূপত দেলিভাৰি এ’জেণ্ট লোৱাৰ পৰিকল্পনা কৰিছে।
গ্ৰাহকক কম দাম আৰু বিনামূলীয়া খাদ্য যোগানৰ উপৰি এমাজন পে’ ৱলেটৰ জৰিয়তে কেশ্ববেকৰ সুবিধা আগবঢ়োৱাৰো পৰিকল্পনা আছে।
ছিয়াটলত মুখ্য কাৰ্য্যালয় থকা এমাজনে ২০১৩ চনত ভাৰতীয় বজাৰত প্ৰৱেশ কৰিছিল। সেই সময়ত ভাৰতীয় ষ্টাৰ্ট আপ ফ্লিপকাৰ্ট আছিল লীডাৰ।
আৰু আছিল আন দুটা দেশীয় কাম্পেনি স্নেপদীল আৰু পে’টিএম মল।
ফ্লিপকাৰ্টৰ মালিকানা এতিয়া বিশ্বৰ বৃহত্তম খুচুৰা বিক্ৰেতা ৱলমাৰ্টৰ হাতত।
শেহতীয়াকৈ সমাপ্ত হোৱা “ফেষ্টিভেল চে’ল”ৰ সময়ত এমাজনে ভাৰতত সৰ্বাধিক মূল্যৰ সামগ্ৰী বিক্ৰী কৰা বুলি বাতৰিত প্ৰকাশ।
You may also like
পঞ্চায়ত আৰু গ্ৰামোন্নয়ন বিভাগৰ নিযুক্তিত অনিয়মৰ অভিযোগ: তদন্তৰ নিৰ্দেশ মুখ্য মন্ত্ৰীৰ
অসম চৰকাৰে বিজ্ঞাপন প্ৰকাশ কৰি পৰীক্ষা অনুষ্ঠিত কৰা পঞ্চায়ত আৰু গ্ৰামোন্নয়ন বিভাগৰ বিভিন্ন পদত নিৰ্বাচিত হোৱা প্ৰাৰ্থীৰ চূড়ান্ত তালিকা প্ৰকাশ কৰাৰ পাছতে…
অখিল গগৈৰ মাতৃ প্রিয়দা গগৈৰ স্বাস্থ্যৰ বুজ ল’লে যোৰহাট জিলাৰ আছু নেতৃত্বই
নাগৰিকত্ব সংশোধনী আইনৰ বিৰুদ্ধে অসমত সৰ্বত্তে প্ৰতিবাদ চলি থকাৰ সময়তে গ্ৰেপ্তাৰ হোৱা অখিল গগৈৰ ঘৰত সোমবাৰে উপস্থিত হয় যোৰহাট জিলা ছাত্ৰ সন্থাৰ…
ফোনৰ আসক্তিৰ বাবে সলনি হৈছে নেকি সন্তানৰ আচৰণ? ৫টা লক্ষণ দেখিলেই হওক সজাগ
বেছিভাগ শিশুৰেই এতিয়া মোবাইল কেন্দ্ৰিক শৈশৱ। এইটো যেন এটা ৰোগৰ পৰিৱেশ। যদিও প্ৰথম দৃষ্টিত বিশেষ কিবা যেন নালাগিব পাৰে, তথাপিও এই বিপজ্জনক…
ভাৰত এখন ধৰ্মনিৰপেক্ষ দেশ, নিৰ্বাচনত প্ৰতিপন্ন কৰিলে ভোটাৰে : অমৰ্ত্য সেন
অন্ত পৰিল অষ্টাদশ লোকসভা নিৰ্বাচনৰ। এন ডি এ মিত্ৰজোঁটে তৃতীয়বাৰৰ বাবে চৰকাৰ গঠন কৰিলে। লোকসভা নিৰ্বাচন সমাপ্ত হোৱাৰ পিছতে নোবেল বঁটা বিজয়ী…