কীটনাশক দ্ৰব্য সেৱন কৰাত শোকাৱহ মৃত্যু এটি কণমানি শিশুৰ

বিশ্বনাথ চাৰিআলিৰ সোনাপুৰ বস্তিত সংঘটিত হৈছে এটি শোকাৱহ ঘটনা। চাহ বাগিছাত ব্যৱহাৰ কৰা কীটনাশক ঔষধ সেৱন কৰাৰ ফলত এটি শিশুৰ মৃত্যু হোৱাৰ উপৰি আন এটি শিশুৰ অৱস্থা সংকটজনক বুলি জানিব পৰা গৈছে।

সংকটজনক অৱস্থাত থকা শিশুটিক তেজপুৰ চিকিৎসা মহাবিদ্যালয়লৈ প্ৰেৰণ কৰা হৈছে।

‘থাইমেট’ নামৰ এবিধ কীটনাশক দ্ৰব্য সেৱন কৰাৰ বাবেই এই ঘটনা সংঘটিত হয়। সাধাৰণতে এই কীটনাশকবিধ ব্যক্তিগত চাহ বাগিছাত ব্যৱহাৰ কৰে।

জানিব পৰা মতে পানীত মিহলাই শিশু দুটিয়ে সেৱন কৰিছিল কীটনাশক দ্ৰব্য বিধ। চাৰিটা শিশুৱে খেলি থকা অৱস্থাত সংঘটিত হয় এই ঘটনা।

দুটি শিশুৱে কীটনাশক দ্ৰব্যবিধ সেৱন কৰিলে যদিও আন দুটি শিশুৱে সেৱন কৰা নাছিল। নিহত শিশুটিৰ নাম ৰাহুল ক’ল (৮) আৰু সংকটজনক অৱস্থাত থকা শিশুটিৰ নাম আকাশ গুৱালা (৬) বুলি জানিব পৰা গৈছে।