ভৰ দুপৰীয়া মুকেশ আম্বানী, আনন্দ মহিন্দ্ৰাই মাতিব লগা হৈছিল Uber; কিন্তু কিয় জানেনে?

মুকেশ আম্বানী, আনন্দ মহিন্দ্ৰা দেশৰ লগতে বিশ্বৰ ধনী ব্যক্তিসকলৰ ভিতৰত অন্যতম। সেই দুজন উদ্যোগপতিয়ে ক’ৰবাত যাবলৈ উবেৰ মতাৰ কথা জানো ভাৱিব পাৰি! ‘মহিন্দ্ৰা এণ্ড মহিন্দ্ৰা’ৰ অধ্যক্ষই টুইটাৰ পোষ্টত তেনে কথাই কথা কৈছে। চেলফিও পোষ্ট কৰিছে। আপোনাৰ আৰু মোৰ দৰে কোটিপতিসকলেও উবেৰত উঠে নেকি? আচৰিত যেন লাগিলেও কথাটো কিন্তু সঁচা।

ৱাশ্বিংটনত সংঘটিত হৈছে এই ঘটনা। শেহতীয়াকৈ প্ৰধানমন্ত্ৰী নৰেন্দ্ৰ মোডীৰ আমেৰিকা ভ্ৰমণৰ সময়ত হোৱাইট হাউছৰ নৈশভোজ আৰু বিশেষ বৈঠকত কেইবাজনো উদ্যোগপতি আৰু বিভিন্ন সংগঠনৰ উচ্চ পদস্থ বিষয়াই অংশ লৈছিল। আম্বানী আৰু মহিন্দ্ৰাও তাত উপস্থিত থাকে।

লগতে পঢ়ক: দিল্লীত গাড়ী ৰখাই মূৰত বন্দুক থৈ মাত্ৰ ৩৮ ছেকেণ্ডতে লুটি নিলে লক্ষাধিক টকা; চাওক ভিডিঅ’

বৃহস্পতিবাৰে নিশা ৰাতিৰ আহাৰ গ্ৰহণৰ নিমন্ত্ৰণ আৰু পিছদিনা অৰ্থাৎ শুকুৰবাৰে পুৱা হোৱাইট হাউছত মোডী আৰু বাইডেনৰ উপস্থিতিত বিশেষ বৈঠক অনুষ্ঠিত হয়।

I suppose this was what they would call a ‘Washington moment.’ After the tech handshake meeting yesterday, Mukesh Ambani, Vrinda Kapoor & I were continuing a conversation with the Secretary of Commerce & missed the group shuttle bus to the next lunch engagement. We were trying… pic.twitter.com/gP1pZl9VcI

— anand mahindra (@anandmahindra) June 25, 2023

সেই বৈঠকৰ পিছত তেওঁলোকে আন ঠাইত দুপৰীয়াৰ আহাৰ গ্ৰহণ কৰাৰ কথা আছিল। কিন্তু তাৰমাজতে ঘটিল সমস্যাটো। আনন্দ মহিন্দ্ৰাই কয় যে তেওঁ, মুকেশ আম্বানী আৰু 3rditech ৰ সহ-প্ৰতিষ্ঠাপক বৃন্দা কাপুৰে বাণিজ্য বিভাগৰ সচিবৰ সৈতে কথা পতাত ব্যস্ত আছিল। সকলোৱে যে গুচি গৈছে সেইটো লক্ষ্য কৰা নাছিল। পিছত তেওঁ বুজি পালে যে তেওঁলোকৰ বাবে আবণ্টিত শ্বাটলখনো গুচি গৈছে। ইয়াৰ পিছত তেওঁলোকে উবেৰ বিচাৰিবলৈ ধৰিলে।

লগতে পঢ়ক: পৰকীয়াৰ পৰিণতি! পত্নীৰ প্ৰেমিকৰ ডিঙি কাটি তেজ পান কৰিলে স্বামীয়ে

তাৰমাজতে তেওঁলোকৰ সৈতে মহাকাশচাৰী সুনীতা উইলিয়ামছৰ পুনৰ দেখা হয়। তেওঁলোকে একেলগে চেলফিও তুলিলে। মহিন্দ্ৰাই সেই ছবিখন পোষ্টো কৰিছে।