হিমন্ত চৰকাৰৰ অভিযানৰ সময়তে কামপুৰত পুনৰ সংঘটিত হৈছে বাল্য বিবাহৰ ঘটনা

অসম চৰকাৰে বাল্য বিবাহৰ বিৰুদ্ধে কঠোৰ স্থিতি গ্ৰহণ কৰি অভিযান চলাই থকাৰ পিছতো সজাগ আৰু সচেতন হোৱা নাই একাংশ পিতৃ-মাতৃ ৷

কামপুৰত পুনৰ সংঘটিত হৈছে বাল্য বিবাহৰ ঘটনা।

কামপুৰ দেবনাৰিকলি গাঁৱৰ এগৰাকী ১৭ বছৰীয়া নাবালিকাৰ আটিগাঁৱৰ ৰিন্টু কলিতা নামৰ এজন যুৱকৰ লগত বিয়া ঠিক হৈছিল। এই বিয়া ঠিক কৰিছিল খোদ পিতৃ মাতৃয়েই। আনকি বিয়াৰ সকলো ব্যৱস্থা কৰিছিল পিতৃ মাতৃয়ে ৷

বিয়াৰ সকলো যো জা চলি থকাৰ মাজতেই কইনা ঘৰত উপস্থিত হ’ল আৰক্ষী আৰু শিশু সুৰক্ষা সমিতি (CHILD LINE)ৰ লোক ৷

ৰভা তলিৰ পৰা নাবালিকা কইনাক উদ্ধাৰ কৰাৰ লগতে আটক কৰিলে কইনাৰ পিতৃক৷ আনহাতে দৰাৰূপী ৰিন্টু কলিতা নামৰ যুৱক জনকো আটক কৰিছে কামপুৰ আৰক্ষীয়ে ৷

বৰ্তমান কামপুৰ আৰক্ষী থানাত আৰক্ষীয়ে দুই পক্ষকে সোধপোচ অব্যাহত ৰাখিছে।