দেশৰ অন্নদাতাই সত্যাগ্ৰহৰ জৰিয়তে অহংকাৰীক শিৰ নত কৰালে: ৰাহুল গান্ধী
তিনি বিতৰ্কিত কৃষি আইন বাতিলৰ পিছতে প্ৰতিক্ৰিয়া ব্যক্ত কৰিছে কংগ্ৰেছ নেতা ৰাহুল গান্ধীয়ে। তেওঁ কয় যে দেশৰ অন্ন প্ৰদানকাৰী সকলৰ সত্যাগ্ৰহৰ সন্মুখত অহংকাৰীক শিৰনত কৰিলে। প্ৰতিবাদকাৰী কৃষকসকলক অন্যায়ৰ বিৰুদ্ধে জয়ৰ বাবে অভিনন্দন জনাই কংগ্ৰেছৰ প্ৰাক্তন সভাপতিগৰাকীয়ে টুইটাৰত লিখিছে, “জয় হিন্দ। ভাৰতীয় কৃষকৰ জয়।”
গান্ধীয়ে লগতে এটা পূৰ্বৰ টুইটো শ্বেয়াৰ কৰিছিল য’ত তেওঁ কৈছিল যে নৰেন্দ্ৰ মোডী চৰকাৰে কৃষি আইন ঘূৰাই ল’বলৈ বাধ্য হ’ব। তেওঁ ১৪ জানুৱাৰীত এটা টুইটত এই বিষয়ে কোৱা এটা ভিডিঅ’ ক্লিপিংৰ সৈতে লিখিছিল, “মোৰ কথা মনত ৰাখক, চৰকাৰে কৃষি বিৰোধী আইন ঘূৰাই ল’ব লাগিব।”
देश के अन्नदाता ने सत्याग्रह से अहंकार का सर झुका दिया।
अन्याय के खिलाफ़ ये जीत मुबारक हो!जय हिंद, जय हिंद का किसान!#FarmersProtest https://t.co/enrWm6f3Sq
— Rahul Gandhi (@RahulGandhi) November 19, 2021
প্ৰধানমন্ত্ৰী নৰেন্দ্ৰ মোদীয়ে কৃষি আইন বাতিল কৰা হ’ব বুলি ঘোষণা কৰাৰ কিছু সময় পিছতে ৰাহুল গান্ধীয়ে টুইটাৰত এই টুইট পোষ্ট কৰে।
উল্লেখ্য যে, কেন্দ্ৰৰ তিনি বিতৰ্কিত কৃষি আইন বাতিলৰ দাবীত যোৱা এবছৰৰ অধিক কাল প্ৰতিবাদ সাব্যস্ত কৰি আহিছে। প্ৰতিবাদী কৃষকৰ সমৰ্থনত পূৰ্বেও ৰাহুল গান্ধীয়ে মন্তব্য কৰি অহাৰ লগতে কেন্দ্ৰীয় চৰকাৰক সমালোচনা কৰি আহিছে।