ভবাৰ দৰেই হ’ল! সম্পদ আহৰণৰ ক্ষেত্ৰত ২০২৪ চনৰ ফৰ্বছ ইণ্ডিয়া ৰিচ লিষ্টত গৌতম আদানীৰ শীৰ্ষস্থান দখল

ভাল দিন চলিছে ২০১৪ পাছত অভূতপূৰ্বভাৱে ধনৱন্ত হোৱা উদ্যোগী গৌতম আদানীৰ৷ ৰিলায়েন্স ইণ্ডাষ্ট্ৰীজৰ অধ্যক্ষ মুকেশ আম্বানী আৰু অ’ পি জিন্দাল গ্ৰুপৰ অধ্যক্ষ এমেৰিটাছ সাবিত্ৰী জিন্দালৰ সমন্বিত লাভ অতিক্ৰম কৰি ২০২৪ চনৰ ফৰ্বছ ইণ্ডিয়া ৰিচ লিষ্টত আদানী গ্ৰুপৰ অধ্যক্ষ গৌতম আদানীয়ে সৰ্বাধিক সম্পদ আহৰণ কৰা ব্যক্তি হিচাপে আত্মপ্ৰকাশ কৰিছে।

আদানীৰ সম্পত্তি ১১৬ বিলিয়ন মাৰ্কিন ডলাৰলৈ বৃদ্ধি পাই পূৰ্বৰ বছৰৰ তুলনাত ৪৮ বিলিয়ন মাৰ্কিন ডলাৰলৈ উল্লেখযোগ্য বৃদ্ধি লাভ কৰিছে- এয়া যিকোনো ভাৰতীয় কোটিপতিৰ একবছৰৰ সৰ্বাধিক লাভ।

২৭.৫ বিলিয়ন মাৰ্কিন ডলাৰ বৃদ্ধিৰে মুকেশ আম্বানীয়ে ভাৰতৰ আটাইতকৈ ধনী ব্যক্তি হিচাপে নিজৰ স্থান অক্ষুণ্ণ ৰাখি তেওঁৰ মুঠ সম্পত্তি ১১৯.৫ বিলিয়ন মাৰ্কিন ডলাৰলৈ বৃদ্ধি কৰে। কিন্তু আম্বানী আৰু আদানীৰ মাজৰ ব্যৱধান বহু পৰিমাণে হ্ৰাস পাইছে, এতিয়া আম্বানীৰ অগ্ৰগতি মাত্ৰ ৩.৫ বিলিয়ন মাৰ্কিন ডলাৰলৈ হ্ৰাস পাইছে।

ইয়াৰ উপৰিও ভাৰতৰ আটাইতকৈ ধনী মহিলা তথা হিছাৰৰ বিধায়ক সাবিত্ৰী জিন্দালে তেওঁৰ সম্পত্তি ১৯.৭ বিলিয়ন মাৰ্কিন ডলাৰ বৃদ্ধি পাই ২০২৩ চনত তৃতীয় স্থানত থকা শিৱ নাদাৰক আঁতৰাই লৈ যায়।

ফৰ্বছৰ তালিকা অনুসৰি সুনীল মিত্তল আৰু দিলীপ শ্বাংঘীৰো সম্পত্তি বৃদ্ধি পাই ক্ৰমে ১৩.৯ বিলিয়ন আৰু ১৩.৪ বিলিয়ন মাৰ্কিন ডলাৰ বৃদ্ধি পাই ২০২৪ চনৰ চতুৰ্থ আৰু পঞ্চম বৃহত্তম সম্পদ লাভ কৰা ব্যক্তি হিচাপে পৰিগণিত হৈছে।