নাগৰিকত্ব বিধেয়ক বাতিলৰ দাবীত আহ্বান জনোৱা অসম বন্ধৰ প্ৰভাৱ নগাঁৱতো সৰ্বাত্মক

নাগৰিকত্ব সংশোধনী বিধেয়ক ২০১৬’ৰ বিৰোধিতাৰে ৰাজ্যৰ বিভিন্ন দল-সংগঠন একত্ৰিত হৈ তীব্ৰ প্ৰতিবাদ সাব্যস্ত কৰি অহাৰ সময়তে আজি জাতিধ্বংসী বিধেয়কখনৰ বিৰুদ্ধে ৰাজ্যৰ ৬০ টা দল-সংগঠনে ১২ ঘণ্টীয়া অসম বন্ধ ঘোষণা কৰি পুৱা ৫ বজাৰ প্ৰতিবাদ সাব্যস্ত কৰিবলৈ উঠি পৰি লাগে।

সমগ্ৰ অসমৰ লগতে নগাঁৱতো অসম বন্ধৰ সৰ্বাত্মক প্ৰভাৱ পৰিলক্ষিত হয়। প্ৰতিবাদকাৰীয়ে ৰাজপথত টায়াৰ জ্বলাই প্ৰতিবাদ সাৱ্যস্ত কৰাৰ লগতে নাগৰিকত্ব বিধেয়ক বাতিল কৰক, নৰেন্দ্ৰ মোদী হুচিয়াৰ, আৰ এছ এছ হুচিয়াৰ, অবৈধ বাংলাদেশীক অসমত থাকিবলৈ দিয়া নহ’ব, অসমৰ পৰা বাংলাদেশী যাবই লাগিব আদি শ্লোগানেৰে প্ৰতিবাদস্থলী উত্তাল কৰি তোলে।

আনহাতে, ৰাজপথত মানুহৰ সমাগম প্ৰায় শূন্য হোৱাৰ উপৰি দোকান-পোহাৰ বন্ধ থকাৰ লগতে যান-বাহনৰ চলাচলো ৰাজপথত বন্ধ থকা পৰিলক্ষিত হয়। বন্ধৰ সময়ছোৱাত কোনো অপ্ৰীতিকৰ পৰিস্থিতিৰ সৃষ্টি হোৱাৰ খৱৰ পোৱা হোৱা নাই।

ইপিনে, বন্ধৰ সময়ছোৱাত পৰিস্থিতিৰ মোকাবিলা কৰিবৰ বাবে জিলা প্ৰশাসনে সতৰ্কতামূলক ব্যৱস্থা হিচাপে নিৰাপত্তা কটকটীয়া কৰি ৰাখিছে।