ৰাজ্যত পুনৰ ১০ গৰাকী ক’ৰ’না আক্ৰান্তৰ মৃত্যু; মৃতকৰ সংখ্যা ৪৯২ গৰাকীলৈ বৃদ্ধি
দেশৰ অন্য প্ৰান্তৰ লগতে অসমতো ক’ৰ’না ভাইৰাছৰ ভয়াবহ সংক্ৰমণ অব্যাহত আছে।
আজি ৰাজ্যত পুনৰ ১০ গৰাকী লোকৰ ক’ৰ’না ভাইৰাছৰ সংক্ৰমণৰ ফলত মৃত্যু হয়।
ইয়াকে লৈ বৰ্তমানলৈ অসমত ক’ৰ’নাৰ সংক্ৰমণৰ ফলত প্ৰাণ হেৰুওৱা লোকৰ সংখ্যা ৪৯০ গৰাকীলৈ বৃদ্ধি পালে।
স্বাস্থ্য মন্ত্ৰী হিমন্ত বিশ্ব শৰ্মাই ছ’চিয়েল মিডিয়াযোগে এই কথা প্ৰকাশ কৰাৰ লগতে মৃত্যু হোৱা ব্যক্তি কেইগৰাকীৰ পৰিয়াললৈ সমবেদনা জ্ঞাপন কৰে।
আজি মৃত্যু হোৱা লোক দহ গৰাকীৰ ভিতৰত তিনিচুকীয়াৰ গৌৰি গগৈ(৫৮), কাৰ্বি আংলং জিলাৰ ব্ৰিতেন্দ্ৰ দৈমাৰী(৫৬), কামৰূপ মহানগৰ জিলাৰ কলম ৰঞ্জন দত্ত(৭৮), বিনায়ক প্ৰসাদ চৰফ(৭৪), বিথি শৰ্মা(৭৮) আৰু যোগেশ্বৰ গগৈ(৫২), বৰপেটা জিলাৰ জ্যোতিশ তালুকদাৰ(৫০),উত্তৰ লখিমপুৰৰ মহাবীৰ প্ৰসাদ শৰ্মা(৬০), ডিব্ৰুগড় জিলাৰ চন্দ্ৰ প্ৰভা দাস(৭৩) আৰু এলিজা বেগম(৭০)।
সোমবাৰৰ দিনটোতো ৰাজ্যত মুঠ তেৰ গৰাকী লোকে প্ৰাণ হেৰুৱাবলগীয়া হৈছিল।
উল্লেখযোগ্য যে, বৰ্তমানলৈ অসমত মুঠ ১,৪৪,১৬৬ গৰাকী লোক ক’ৰ’না ভাইৰাছৰ দ্বাৰা সংক্ৰমিত হোৱাৰ বিপৰীতে চিকিৎসাৰ অন্তত মুঠ ১১,৫০৫১ গৰাকী লোক সুস্থ হৈ উঠিছে।
বৰ্তমান ৰাজ্যৰ বিভিন্ন চিকিৎসালয়ত মুঠ ২৮৬৩০ গৰাকী সক্ৰিয় কোভিড ৰোগী চিকিৎসাধীন হৈ আছে।
You may also like
হস্তী দিৱসেৰে কাজিৰঙাত বন্যপ্ৰাণী সপ্তাহৰ তৃতীয় দিনৰ কাৰ্যসূচী উদযাপন
৬৪ সংখ্যক বন্যপ্ৰাণী সপ্তাহৰ তৃতীয় দিনটো বৃহস্পতিবাৰে কাজিৰঙাৰ কহঁৰাত উদযাপন কৰে কাজিৰঙা ৰাষ্ট্ৰীয় উদ্যান কৰ্তৃপক্ষই ৷ এই উপলক্ষে পুৱা কহঁৰাৰ মিহিমুখত হস্তী…
ক’ভিড-১৯ : দেশত মুঠ আক্ৰান্তৰ তুলনাত মাত্ৰ ২.৮০ শতাংশহে সক্ৰিয় ৰোগী
ভাৰতত ক’ৰ’না ভাইৰাছৰ সংক্ৰমণ ধাৰাবাহিকভাৱে হ্ৰাস পাবলৈ ধৰিছে যদিও আক্ৰান্তৰ সংখ্যাই অতিক্ৰম কৰিলে এক কোটি ১ লাখৰ ঘৰ। আক্ৰান্তৰ সংখ্যা দিনক দিনে…
মহানগৰীৰ মঠঘৰীয়াত ৰৈ থকা ট্ৰাকত খুন্দা মাৰিলে তীব্ৰবেগী বাহনে; থিতাতে নিহত ৩ গৰাকী যুৱতী
দেওবাৰে পুৱতি নিশা প্ৰায় ৪ বজাত গুৱাহাটীৰ মঠঘৰীয়াত এখন তীব্ৰবেগী বাহনে এখন ৰৈ থকা ট্ৰাকত খুন্দা মৰাৰ ফলত তিনিগৰাকী যুৱতীয়ে প্ৰাণ হেৰুৱাইছে।…
৫০০০ৰ দিশে অসমত ক’ভিড আক্ৰান্ত, দিনটোত চিনাক্ত ২১০
৪৩গৰাকী নতুনকৈ চিনাক্ত ক’ভিড-১৯ পজিটিভ ব্যক্তিৰ সৈতে অসমত মুঠ আক্ৰান্ত বৃহস্পতিবাৰে ৪৯০৪লৈ বৃদ্ধি পাইছে। নতুনকৈ চিনাক্তসকলৰ মাজত আছে ২০গৰাকী কামৰূপ (মেট্ৰো), আঠগৰাকী নগাওঁ,…