বেডমিন্টন খেলি থকা অৱস্থাতে অসমৰ চিআৰপিএফ জোৱানৰ আকস্মিক মৃত্যু
মিজোৰামৰ ভাইৰেংটীত থকা চিআৰপিএফ কেম্পত বেডমিন্টন খেলি থকা অৱস্থাত হৃদক্ৰিয়া বন্ধ হৈ অসমৰ কাছাৰ জিলাৰ এজন জোৱানৰ আকস্মিক মৃত্যু ঘটে।
মৃত জোৱানজনক কাছাৰ জিলাৰ উদাৰবন্দৰ লাওথাই বস্তিৰ বাসিন্দা ৰঞ্জিত সিংহ বুলি চিনাক্ত কৰা হৈছে।
জানিব পৰা মতে, দেওবাৰে নিশা সতীৰ্থসকলৰ সৈতে বেডমিন্টন খেলি থকাৰ মাজতে হঠাতে তেওঁ অসুস্থতা অনুভৱ কৰে আৰু খেলপথাৰতে ঢলি পৰে। লগে লগে তেওঁক ওচৰৰ চিকিৎসালয়লৈ লৈ যোৱা হয় যদিও চিকিৎসকে তেওঁক মৃত ঘোষণা কৰে।
সোমবাৰে জোৱানজনৰ নশ্বৰ দেহ শিলচৰ চিকিৎসা মহাবিদ্যালয় হাস্পতালত মৰণোত্তৰ পৰীক্ষা কৰাৰ পিছত পৰিয়ালৰ লোকক গতাই দিয়া হয় আৰু সম্পূৰ্ণ ৰাজ্যিক মৰ্যাদাৰে তেওঁৰ শেষকৃত্য সম্পন্ন কৰা হয়।
অত্যন্ত স্বাস্থ্যসচেতন আৰু খেলুৱৈ সুলভ ব্যক্তি হিচাপে পৰিচিত সিংহৰ এই আকস্মিক বিয়োগত তেওঁৰ পত্নী, নাবালক পুত্ৰ তথা সমগ্ৰ অঞ্চলটোতে গভীৰ শোকৰ ছাঁ পৰিছে।