বিত্তমন্ত্রী হিমন্ত বিশ্ব শর্মাই ঘোঁৰাত উঠি কৰিছে কি?

ৰাজ্যখনৰ বিত্ত মন্ত্ৰী  হিমন্ত বিশ্ব শৰ্মাই দেওবাৰে গুৱাহাটী ৰাইডিং এণ্ড পল’ ক্লাৱ উদ্বোধন কৰাৰ পাছত ঘোঁৰাত উঠাৰ আনন্দ উপভোগ কৰে।

গুৱাহাটী ৰাইডিং এণ্ড পল’ ক্লাৱ উদ্বোধনী অনুষ্ঠানটো গুৱাহাটীৰ সৰুসজাই ষ্টেডিয়ামত আয়োজন কৰা হৈছিল।

হিমন্ত বিশ্ব শৰ্মাৰ শিশুকালত হাতীত উঠাৰ অভিজ্ঞতা আছে, যেতিয়া তেওঁ জনপ্ৰিয় অসমীয়া চলচ্চিত্ৰ ‘ককাদেউতা, নাতি আৰু হাতী’ত এগৰাকী শিশু অভিনেতা হিচাপে অভিনয় কৰিছিল। মন্ত্ৰী গৰাকীয়ে তেওঁৰ টুইটাৰত প্ৰকাশ কৰিছে যে তেওঁ সদায় পল’ খেলুৱৈসকল আৰু তেওঁলোকে উঠা ঘোঁৰাবোৰৰ দৃঢ়তা তথা সন্তুলনৰ প্ৰতি এক আকৰ্ষণ অনুভৱ কৰি আহিছে।

ক্ৰীড়াৰ বৰ্দ্ধিত জনপ্ৰিয়তাত সুখী হোৱাৰ কথা উল্লেখ কৰি ৰাজ্যখনৰ বিত্ত মন্ত্ৰীগৰাকীয়ে কয় যে গুৱাহাটী ৰাইডিং এণ্ড পল’ ক্লাৱৰ উদ্বোধনে ‘’অসমৰ উজ্জ্বল ক্ৰীড়া সংস্কৃতি’’ত এটা নতুন সংযোজন হ’ব।

মন্ত্ৰী শৰ্মাই টুইট কৰিছে : ‘’মই সদায় পল’ খেলুৱৈসকল আৰু তেওঁলোকে উঠা ঘোঁৰাবোৰৰ দৃঢ়তা তথা সন্তুলনৰ প্ৰতি এক আকৃষ্ট হৈ আহিছো।‘’

‘’আটাইতকৈ পুৰণি অশ্বক্ৰীড়া জনপ্ৰিয় হোৱাত আনন্দিত হৈছো। আজি মই  গুৱাহাটী ৰাইডিং এণ্ড পল’ ক্লাৱ উদ্বোধন কৰিলো। মই নিশ্চিত ই  অসমৰ উজ্জ্বল ক্ৰীড়া সংস্কৃতিত এটা নতুন সংযোজন হ’ব,’’-তেওঁ লগতে কয়।

I've always been in awe of the tenacity and balance of Polo players, and the horses they ride.

Glad that this oldest equestrian sport is growing in popularity. Today I inaugurated Guwahati Riding & Polo Club. I am certain it shall add to Assam's dazzling sporting culture. pic.twitter.com/bpUlu7xOqS

— Himanta Biswa Sarma (@himantabiswa) June 30, 2019