পত্নী পুত্ৰসহ এক আত্মীয়ক গুলীয়াই হত্যা কৰিলে প্ৰাক্তন এছ এছ বিৰ জোৱানে

এজন পাক্তন এছ এছ বি জোৱানে গুলীয়াই হত্যা কৰিছে পত্নী, পুত্ৰৰ লগতে এগৰাকী আত্মীয়ক।

ঘটনাৰ বিৱৰণীৰ মতে সোমবাৰে ডিব্ৰুগড়ৰ হাকুনপুখুৰীৰ এছ এছ বিৰ প্ৰাক্তন জোৱান সঞ্জয় দাসে পত্নী স্বপ্না দাস, পুত্ৰ নৱজ্যোতি দাস(২০) আৰু আত্মীয় খুৰাক ঘনকান্ত হাজৰিকা(৭৬) .৩২ পিষ্টলেৰে গুলীয়াই হত্যা কৰে।

ঘটনাটোৱে সমগ্ৰ অঞ্চলটোতে তীব্ৰ চাঞ্চল্যৰ সৃষ্টি কৰিছে।

পত্নী স্বপ্না দাস অসম চিকিৎসা মহাবিদ্যালয় আৰু চিকিৎসালয়লৈ নিয়াৰ পথত মৃত্যু হোৱাৰ লগতে পুত্ৰ আৰু আত্মীয় খুৰাকজন AMCHত মৃত্যু ঘটে।

প্ৰতিৱেশীৰ মতে সঞ্জয় দাস মদ্যপান কৰি প্ৰায়ে চুবুৰীয়াৰ লগতে পত্নী আৰু পুত্ৰৰ লগত কাজিয়াত লিপ্ত হৈ পৰিৱেশ অশান্তিময় কৰি তোলে।

‘সঞঞ্জয়ে নিয়মিতভাৱে মদ্যপান কৰে আৰু ঘৰৰ লগতে চুবুৰীটোত অশান্তিকৰ পৰিস্থিতিৰ উদ্ভৱ কৰে।আজি আমি তেওঁলোকৰ ঘৰৰ পৰা বুলেটৰ শব্দ শুনো আৰু চাই দেখো তেওঁৰ পত্নী পুত্ৰৰ লগতে এজন আত্মীয়ক গুলীয়াই হত্যা কৰিছে।’ এগৰাকী প্ৰতিবেশীয়ে কয়।

ঘটনাৰ খবৰ পাই ডিব্ৰুগড় জিলাৰ আৰক্ষী অধীক্ষক শ্ৰীজিতে ঘটনাস্থলীত উপস্থিত হৈ তদন্তৰ আৰম্ভ কৰিছে।

আৰক্ষীয়ে ঘটনাস্থলীৰ পৰা তিনিটা খালী কাৰ্টুজ উদ্ধাৰ কৰে।

ঘটনা সংঘটিত কৰিয়ে সঞ্জয় দাসে পলায়ন কৰিছে আৰু আৰক্ষীয়ে তেওঁৰ সন্ধানত অভিযান আৰম্ভ কৰিছে।

ডিব্ৰুগড় আৰক্ষী অধীক্ষ গৰাকীয়ে জনোৱা মতে সঞ্চয় দাসে অনেক লোকৰ পৰা টকা ধাৰে লৈছিল।

‘তেওঁ অপৰাধ কৰাৰ সময়ত মানসিকভাৱে অপ্ৰকৃতিস্থ অৱস্থাত থকাৰ লগতে মদ্যপান কৰি আছিল। আমি অপৰাধৰ তথ্য প্ৰমাণসমূহ সংগ্ৰহ কৰিছো।’ জিলা আৰক্ষী অধীক্ষকজনে কয়।