অসম আৰক্ষীৰ বিভিন্ন পদত নিযুক্তিৰ বাবে পৰীক্ষাৰ দিন ঘোষণা, কি পদৰ বাবে কেতিয়া পৰীক্ষা?
অসম আৰক্ষীৰ বিভিন্ন পদত নিযুক্তিৰ বাবে পৰীক্ষাৰ দিন ঘোষণা কৰা হৈছে। ৰাজ্যিক আৰক্ষী নিযুক্তি ব’ৰ্ডে জাৰি কৰা নিৰ্দেশনা অনুসৰি ২৩৯১ টা কনিষ্টবল (ইউবি) আৰু ৪২৭১টা কনিষ্টবল (এবি)ৰ বাবে ২০ ফেব্ৰুৱাৰী, ২০২২ ৰ দিনৰ ১১ বজাৰ পৰা ১ বজালৈ লিখিত পৰীক্ষা অনুষ্ঠিত হ’ব।
এ.পি.আৰ.ও.-ত কনিষ্টবলৰ ৮১৩ টা আৰু কনিষ্টবলৰ ৭৮৮ টা পদ, ডিজিচিডি আৰু চিজিএইচজিৰ অধীনত কনিষ্টবল / গাৰ্ডছমেনৰ ৭৫৪ টা পদ, অসম আৰক্ষীৰ উপ পৰিদৰ্শক (এবি)ৰ ৩২০ টা পদ, অসম কমাণ্ডো বেটেলিয়নৰ উপ পৰিদৰ্শক (এবি)ৰ ৩২০ টা পদ, ডিজিচিডি আৰু চিজিএইচজিৰ অধীনত সহকাৰী উপ নিয়ন্ত্ৰক (জুনিয়ৰ) অসামৰিক প্ৰতিৰক্ষাৰ ১০টা পদ, কনিষ্টবল (ভিবি) ৭০৫ টা পদ আৰু অসম কনিষ্টবলৰ ১৪৯ টা পদ (অসম কনিষ্টবল)ৰ ১৪৯ টা পদ অসম আৰক্ষীৰ ইন্সপেক্টৰ (ইউবি)ৰ ৩০৬ টা পদ বাবে পৰীক্ষা অনুষ্ঠিত হ’ব।
এন.এছ.এফত কনিষ্টবল পদৰ বাহিৰে নিম্নলিখিত দহটা কেন্দ্ৰত সকলো লিখিত পৰীক্ষা অনুষ্ঠিত হ’ব । এ.আই.এছ.এফ. বি.এনৰ কনিষ্টবলৰ লিখিত পৰীক্ষা (এছ.পি.ও.-ৰ বাবে) কেৱল গুৱাহাটীত অনুষ্ঠিত হ’ব আৰু বাকীবোৰ তিনিচুকীয়া, যোৰহাট, ডিফু, শিলচৰ, গুৱাহাটী, বঙাইগাঁও,তেজপুৰ, নগাঁও আৰু হাফলঙত অনুষ্ঠিত হ’ব।
IMPORTANT:
This is for candidates appearing for various posts in Assam Police. Please go through the notice carefully.
Note the important dates and venues for the written exams and prepare accordingly.#AssamPoliceRecruitment#AssamPoliceJobs pic.twitter.com/vr1e6knBvJ
— DGP Assam (@DGPAssamPolice) January 18, 2022
২৭ ফেব্ৰুৱাৰীত এ.আই.এছ.এফ. বেটেলিয়নত (কেৱল এছ.পি.ও.) ১৫৪ টা পদৰ বাবে পুৱা ১১ বজাৰ পৰা দুপৰীয়া ১ বজালৈ পৰীক্ষা অনুষ্ঠিত হ’ব। অসম আৰক্ষীত পৰিদৰ্শক (ইউবি)ৰ ৩০৬ টা পদ, অসম কমাণ্ডো বেটেলিয়নত উপ পৰিদৰ্শকৰ (এবি) ৩২০ টা পদৰ বাবে ২৪ এপ্ৰিল ২০২২ত পৰীক্ষা অনুষ্ঠিত কৰা হ’ব।
ডিজিচিডি আৰু চিজিএইচজিৰ অধীনত সহকাৰী উপ নিয়ন্ত্ৰক (জুনিয়ৰ) অসামৰিক প্ৰতিৰক্ষাৰ ১০ টা পদৰ বাবে পুৱা ১০ বজাৰ পৰা দুপৰীয়া ১২ বজালৈ পৰীক্ষা অনুষ্ঠিত কৰা হ’ব।
৭০৫ টা পদ কনিষ্টবল (ভিবি) আৰু ১৪২৯ টা কনিষ্টবল পদ (এবি)ত ২০২২ চনৰ ২৪ এপ্ৰিলত পৰীক্ষা অনুষ্ঠিত হ’ব। পৰীক্ষাৰ সময় হৈছে আবেলি ২ বজাৰ পৰা আবেলি ৪ বজালৈ।
লিখিত পৰীক্ষা সুচাৰু ৰূপে পৰিচালনাৰ বাবে জিলা পৰ্যায়ৰ পৰীক্ষা নিৰীক্ষণ সমিতি থাকিব আৰু এই সমিতিয়ে লিখিত পৰীক্ষা অনুষ্ঠিত কৰাৰ সকলো কাৰ্যকলাপ নিৰীক্ষণ কৰিব ।