Job vacancy অসম আৰক্ষীত ৩২০ টা উপ-পৰিদৰ্শক পদৰ বাবে আবেদন আহ্বান, ক’ত কৰিব পাৰিব আবেদন?

অসম আৰক্ষীত উপ-পৰিদৰ্শক (এবি)ৰ ৩২০ টা পদৰ বাবে  মুকলি কৰি দিয়া হৈছে অনলাইন আবেদনৰ সুবিধা।

এই পদ সমূহৰ ভিতৰত ৩১৪ টা পদ পুৰুষ আৰু তৃতীয় লিংগৰ প্ৰাৰ্থীৰ বাবে আৰু ৬ টা মহিলা প্ৰাৰ্থীৰ বাবে নিৰ্ধাৰণ কৰা হৈছে।
এই পদ সমূহৰ বাবে বিভাগীয় ভাবে ইতিমধ্যে জাননী প্ৰকাশ কৰা হৈছে।

এই পদ সমূহৰ বাবে অসম আৰক্ষীয়ে বিভাগীয় ভাবে অনলাইন আবেদনৰ লিংক খুলি দিছে। প্ৰাৰ্থীয়ে আবেদন কৰা অন্তিম তাৰিখ হৈছে ২০২২ চনৰ ২১ জানুৱাৰী।

প্ৰাৰ্থীয়ে SLPRBৰ website (www.slprbassam.in)ত অনলাইনযোগে আবেদন কৰিব লাগিব।

উক্ত পদ সমূহৰ বাবে আবেদন কৰিবলৈ প্ৰাৰ্থীৰ এনেধৰণৰ শৈক্ষিক অৰ্হতা থাকিব লাগিব— উপ-পৰিদৰ্শক পদৰ বাবে কলা, বিজ্ঞান , বাণিজ্য আদি যিকোনো শাখাত স্নাতক হ’ব লাগিব।

বয়সৰ সীমা— উপ-পৰিদৰ্শক পদৰ বাবে প্ৰাৰ্থীৰ বয়স ২০২১ চনৰ ১ জানুৱাৰীত ২০ বছৰৰ তলত আৰু ২৬ বছৰৰ ওপৰত হ’ব নালাগিব। সংৰক্ষিত শ্ৰেণীৰ প্ৰাৰ্থীয়ে বয়সৰ ক্ষেত্ৰ বিভাগীয় ভাবে নিৰ্ধাৰণ কৰা উচ্চ সীমাৰ সুবিধা লাভ কৰিব।

প্ৰাৰ্থীসকলে লিখিত পৰীক্ষাৰ লগতে শাৰীৰিক পৰীক্ষাতো অৱতীৰ্ণ হ’ব লাগিব।