পিষ্টলেৰে গুলীয়াই আত্মহত্যা কৰা আৰক্ষী উপ পৰিদৰ্শকৰ মৃতদেহ চমজি লোৱাত অস্বীকাৰ পৰিয়ালৰ
ধেমাজিৰ চিচিবৰগাঁও থানাৰ উপ-পৰিদৰ্শক নিপন নাথৰ নশ্বৰদেহ ঘৰলৈ নিয়াৰ পিছতে আজি ৰঙিয়াৰ মধুকুছিত উত্তপ্ত পৰিস্থিতিৰ সৃষ্টি হৈছে।
নিপন নাথৰ নশ্বৰদেহ বাসগৃহলৈ নিয়াৰ পিছতে অঞ্চলটোৰ স্থানীয় ৰাইজ ওলাই আহি উত্তপ্ত পৰিস্থিতিৰ সৃষ্টি কৰে। নাথৰ মৃতদেহ চমজি লোৱাত অস্বীকাৰ কৰে প্ৰয়াত নিপন নাথৰ পৰিয়ালৰ লোকে।
আৰক্ষী উপ-পৰিদৰ্শক গৰাকীৰ পৰিয়ালৰ লোক তথা স্থানীয় ৰাইজে নিপন নাথক হত্যা কৰি আত্মহত্যাৰ ৰূপ দিয়া বুলি অভিযোগ উত্থাপন কৰে।
লগতে স্থানীয় ৰাইজ আৰু পৰিয়ালৰ লোকে চিচিবৰ থানাৰ ভাৰপ্ৰাপ্ত বিষয়া পদ্মেশ্বৰ বৰকটকীক গ্ৰেপ্তাৰ কৰি উচিত শাস্তি প্ৰদান কৰা দাবী জনায় তীব্ৰ প্ৰতিবাদ সাব্যস্ত কৰে।
তাৰোপৰি প্ৰতিবাদী ৰাইজ তথা পৰিয়ালৰ লোকে আৰক্ষীৰ উচ্চপদস্থ বিষয়া প্ৰতিবাদস্থলীত উপস্থিত হৈ পৰিয়ালৰ লোকক ন্যায় প্ৰদান কৰাৰ আশ্বাস নিদিয়ালকৈ মৃতদেহ চমজি নলয় বুলিও হুংকাৰ প্ৰদান কৰে।
উল্লেখযোগ্য যে শুকুৰবাৰে অৰ্থাৎ ৩০ আগষ্টৰ পুৱা ধেমাজিৰ চিচিবৰগাঁও আৰক্ষী থানাৰ উপ-পৰিদৰ্শক নিপন নাথে নিজৰ ছাৰ্ভিচ পিষ্টলেৰে গুলীয়াই আত্মহত্যা কৰিছিল।
ইয়াৰ পিছতে নিপনৰ পৰিয়ালৰ লোকে নিপন নাথৰ আত্মহত্যা সম্বন্ধে গুৰুতৰ অভিযোগ উত্থাপন কৰিছিল।
থানাৰ ভাৰপ্ৰাপ্ত বিষয়া পদ্মেশ্বৰ বৰকটকীৰ মানসিক নিৰ্যাতনত অতিষ্ঠ হৈয়ে নাথে আত্মহত্যাৰ দৰে ভয়ংকৰ পথ বাছি ল’বলগীয়া হয় বুলি পৰিয়ালৰ লোকে অভিযোগ উত্থাপন কৰিছিল।
You may also like
বিৰোধীৰ প্ৰতি কঠোৰ চৰকাৰ! সংসদীয় সমিতিত নাই তৃণমূল কংগ্ৰেছ, আপৰ কোনো অধ্যক্ষ
বিজেপি নেতৃত্বাধীন এনডিএ চৰকাৰৰ দিনতে হয়তো প্ৰথমবাৰৰ বাবে সংসদীয় সমিতিৰ পৰা বাদ পৰিল সংসদৰ দ্বিতীয় স্থানত থকা দলটো। লক্ষ্যণীয়ভাবে এইবাৰ সংসদীয় সমিতিৰ…
১৪ অক্টোবৰত কলাক্ষেত্ৰত মহাপুৰুষীয়া ধৰ্ম সাধক তথা সেৱকক সম্বৰ্দ্ধনাৰ আয়োজন
বিগত বাৰ বছৰ ধৰি একশৰণ হৰি নাম ধৰ্ম আৰু মহাপুৰুষীয়া কৃষ্টি-সংস্কৃতিৰ প্ৰসাৰ আৰু প্ৰচাৰৰ উদ্দেশ্যে গঠিত ‘সঙ্গীতময় শ্ৰীমদ্ভাগৱত কথা প্ৰচাৰ সমিতি’য়ে দ্বাদশ…
ডকমকাত ভয়ংকৰ দুৰ্ঘটনাত ৩ জনৰ মৃত্যু
কাৰ্বি আংলঙৰ ডকমকাত আজি সংঘটিত এটা ভয়ংকৰ দুৰ্ঘটনাত ৩ জন লোকে থিতাতে প্ৰাণ হেৰুৱায়। আনহাতে দুৰ্ঘটনাটোত ৪ জন লোক গুৰুতৰ ভাবে আহত…
বিহাৰত ধৰ্মীয় শোভাযাত্ৰাত তীব্ৰবেগী ট্ৰাকৰ খুন্দাত নিহত কমেও ১২ জন লোক
At least 12 people killed as speeding truck rams ধৰ্মীয় শোভাযাত্ৰাত অংশগ্ৰহণ কৰিছিল লোকসকলে। পদযাত্ৰাৰ সময়তে হঠাতে এখন ট্ৰাক তেওঁলোকৰ পিনে তীব্ৰ…