অসমত ক’ভিড-১৯ত আক্ৰান্ত হৈ মৃত্যু হোৱা ৰোগীৰ সংখ্যা ৫ জনলৈ বৃদ্ধি
অসমত ক’ভিড-১৯ত আক্ৰান্ত হৈ মৃত্যু হোৱা ৰোগীৰ সংখ্যা ৫ জনলৈ বৃদ্ধি পালে।
ক’ৰ’নাত আক্ৰান্ত হৈ লোকজনৰ আজি অৰ্থাৎ সোমবাৰে মৃত্যু ঘটা বুলি এটা চৰকাৰৰ ঘনিষ্ঠ সূত্ৰৰ পৰা জানিব পৰা গৈছে।
বিশেষ সূত্ৰটোৱে জনোৱা অনুসৰি মৃত্যু হোৱা লোকজন কাৰ্বি আলঙৰ অৰুণ কাকতি।
স্বাস্থ্য বিভাগৰ ঘনিষ্ঠ সূত্ৰটোৱে নৰ্থ-ইষ্ট নাওক জনোৱা অনুসৰি কিছুদিন পূৰ্বে ক’ৰ’নাত আক্ৰান্ত হোৱা ৫৪ বছৰীয়া অৰুণ কাকতিৰ ভাইৰাছবিধৰ ফলত মৃত্যু ঘটিছে।
‘কাকতিয়ে অলপতে চেন্নাইৰ পৰা অসমলৈ ঘূৰি আহিছিল। ঘূৰি অহাৰ পাছত তেওঁক হোম কোৱাৰেণ্টাইনত থকাৰ নিৰ্দেশ দিয়ে। কোৱাৰেণ্টাইনত থকাৰ সময়তে তেওঁ অত্যন্ত জ্বৰত ভোগে’, সূত্ৰটোৱে জনায়।
জানিব পৰা মতে ডিফু নিবাসী কাকতিৰ দেওবাৰ অৰ্থাৎ যোৱা নিশা ডিফু মেডিকেল কলেজ এণ্ড হাস্পতাললৈ লৈ যোৱাৰ পথত মৃত্যু হয়।
উল্লেখ্য যে তেওঁ চেন্নাইৰ পৰা ঘূৰি অহাৰ পিছত প্ৰশাসনৰ নিয়ম অনুসাৰি ১৪ দিন কোৱাৰেণ্টাইন থকাৰ পাছত হোম কোৱাৰেণ্টাইন কৰা হৈছিল।