ৰাজ্যত নতুনকৈ ১৬৮০ গৰাকী ক’ভিড-১৯ পজিটিভ; গুৱাহাটীত আক্ৰান্ত ৫৭০ গৰাকী
ৰাজ্যখনত মঙলবাৰে নতুনকৈ আৰু ১৬৮০ গৰাকী লোকৰ দেহত ক’ভিড-১৯ পজিটিভ ধৰা পৰিছে।
ইয়াৰ ভিতৰত অকল গুৱাহাটী মহানগৰীতে আক্ৰান্ত হৈছে ৫৭০ গৰাকী।
তদুপৰি যোৰহাটত ১৬৭ আৰু কাচাৰত ১৫৯ গৰাকী আক্ৰান্ত হৈছে।
ইয়াৰ লগে লগে ৰাজ্যত ক’ভিড-১৯ত আক্ৰান্তৰ সংখ্যা ২৬৭৭২ গৰাকীলৈ বৃদ্ধি পালে।
এক টুইটৰ যোগে ৰাজ্যৰ স্বাস্থ্য মন্ত্ৰী ড০ হিমমন্ত বিশ্ব শৰ্মাই উল্লেখ কৰিছে এই কথা।
স্বাস্থ্য মন্ত্ৰী গৰাকীয়ে জনোৱা অনুসৰি ৰাজ্যত বৰ্তমানে ৮৬৭২ গৰাকী আক্ৰান্তৰ শৰীৰত ক’ভিড-১৯ ভাইৰাছ সক্ৰিয় হৈ থকাৰ বিপৰীতে ক’ভিডমুক্ত হৈছে ১৮,০৩৩ গৰাকী আক্ৰান্ত।
স্বাস্থ্য মন্ত্ৰীয়ে জনোৱা অনুসৰি ৰাজ্যত বৰ্তমানলৈকে ৬৪ গৰাকী ক’ভিড-১৯ আক্ৰান্ত লোকৰ মৃত্যু ঘটিছে।
স্বাস্থ্য মন্ত্ৰীগৰাকীয়ে লগতে জানিবলৈ দিয়া মতে মঙলবাৰে ৰাজ্যখনত ১৮,১৫২ টা পৰীক্ষা সম্পন্ন কৰা হৈছে।
?Alert ~ 1680 new #COVID19 patients detected in Assam on July 21.Guwahati reported 570 cases.( Jorhat167,Cachar 159)
With 18152 tests carried out in 24 hours, our positivity rate is 9.2%.
↗️Total cases 26772
↗️Recovered 18033
↗️Active cases 8672
↗️Deaths 64#AssamCovidCount pic.twitter.com/QgP54Rrdxw— Himanta Biswa Sarma (@himantabiswa) July 21, 2020
উল্লেখ্য যে ৰাজ্যত সোমবাৰে ১০৯৩গৰাকী লোকৰ দেহত ক’ভিড-১৯ পজিটিভ ধৰা পৰিছিল।
ইয়াৰ ভিতৰত অকল গুৱাহাটী মহানগৰীতে আক্ৰান্ত হৈছে ৪৪৮ গৰাকী।
প্ৰণিধানযোগ্য যে জুলাই মাহত ৰাজ্যত কোভিড ৰোগীৰ মৃত্যুৰ হাৰ বৃদ্ধি পোৱা পৰিলক্ষিত হৈছে।