এনএছচিএন (আইএম)ৰ গুলী বৰ্ষণত টিৰাপত আসাম ৰাইফলছৰ জোৱান নিহত
অৰুণাচল প্ৰদেশৰ টিৰাপ জিলাৰ চানলিয়াম গাঁৱত আজি দিনৰ ভাগত সন্দেহযুক্ত এনএছচিএন (আই এম) বিদ্ৰোহীৰ এটা ১৫/২০ জনীয়া দলে আসাম ৰাইফলছৰ এটা তহলদাৰী দলৰ ওপৰত অতৰ্কিতে গুলী বৰ্ষণ কৰাত এজন আসাম ৰাইফলছৰ জোৱান নিহত হোৱাৰ বাতৰি পোৱা গৈছে।
অৱশ্যে বাতৰি লেখা সময়লৈকে নিহত সেনা জোৱান জনৰ নাম জানিব পৰা হোৱা নাই।
এই ঘটনাৰ পাছতেই নিৰাপত্তা বাহিনীয়ে অঞ্চলটোত উগ্ৰপন্থী বিৰোধী অভিযান তীব্ৰতৰ কৰি তুলিছে। এই অভিযান কালত নিৰাপত্তা বাহিনীয়ে হেলিকপ্টাৰো ব্যৱহাৰ কৰা বুলি জানিব পৰা গৈছে।
উল্লেখযোগ্য যে অৰুণাচল প্ৰদেশৰ টিৰাপ জিলাত শেহতীয়াকৈ উগ্ৰপন্থীৰ কাৰ্যকলাপ বৃদ্ধি পোৱা পৰিলক্ষিত হৈছে।
২০১৯ চনৰ ২১ মে’ত জিলাখনৰ বগাপানী অঞ্চলত টিৰাপৰ বিধায়ক টিৰং আব’ আৰু তেখেতৰ পুত্ৰসহ মুঠ ১১ জন লোকক সন্দেহযুক্ত উগ্ৰপন্থীয়ে গুলীয়াই হত্যা কৰিছিল। এই ঘটনা এনএছচিএন (আই এম) উগ্ৰপন্থীয়ে সংঘটিত কৰা বুলি তদন্তকাৰী সংস্থা এনআইএ-এ সদৰি কৰিছে।
তদন্তকাৰী সংস্থাটোৱে ইতিমধ্যে এই ঘটনাত জড়িত চাৰিগৰাকী এনএছচিএন সদস্যৰ বিৰুদ্ধে চাৰ্জশ্বীট দাখিল কৰিছে।
You may also like
কলিয়াবৰত উদযাপন শ্ৰমিক দিৱস: প্ৰয়াত লীলাকান্ত বৰাৰ আৱক্ষ মূৰ্তি উন্মোচন
বিশ্বৰ শ্ৰমিক এক হোৱাৰ আহ্বানৰে সমগ্ৰ বিশ্বতে আজি পালন কৰা হৈছে শ্ৰমিক দিৱস। সেইদৰে কলিয়াবৰৰ শিলঘাটস্থিত অসম সমবায় মৰাপাট কলৰ কৰ্মী পৰিষদেও বিভিন্ন…
যৌন কেলেংকাৰি গোচৰৰ সকাহ বিচাৰি উচ্চ ন্যায়ালয়ৰ দ্বাৰস্থ ৰাজেন গোহাঁই
এটা যৌন নিৰ্যাতনৰ গোচৰত অভিযুক্ত কেন্দ্ৰীয় ৰে’ল ৰাজ্যিক মন্ত্ৰী ৰাজেন গোহাঁইক ১৪ ফেব্ৰুৱাৰি অৰ্থাৎ বৃহস্পতিবাৰে নগাঁও আদালতত হাজিৰ হ’বলৈ নিৰ্দেশ দিছিল যদিও…
বিৰল দৃষ্টান্ত! মহিলাৰ অভিযোগৰ পাছতেই নিজেই টয়লেট পৰিষ্কাৰ কৰিলে মন্ত্ৰীয়ে
এক বিৰল দৃষ্টান্ত দাঙি ধৰি মধ্য প্ৰদেশৰ শক্তি মন্ত্ৰী প্ৰদ্যুমন সিং তোমৰে শুকুৰবাৰে নিজেই চৰকাৰী কাৰ্যালয়ৰ টয়লেট পৰিষ্কাৰ কৰে। মন্ত্ৰীগৰাকীয়ে আয়ুক্তৰ কাৰ্যালয়…
হজৰত মহম্মদৰ বংশধৰ বুলি দাবী কৰা ধৰ্মীয় নেতা আগা খানৰ মৃত্যুঃ পুত্ৰ ৰহিম আল হুছেইনীক পৰৱৰ্তী ইমামৰ দায়িত্ব
বিশ্বৰ ইছমাইলী মুছলমানসকলৰ আধ্যাত্মিক নেতা আগা খানৰ মঙলবাৰে পৰ্তুগালৰ লিছবনত মৃত্যু হয়।ইহলীলা সম্বৰণৰ সময়ত তেওঁৰ বয়স আছিল ৮৮ বছৰ। ৰাজকুমাৰ শ্বাহ কৰিম…