মির্চি মিউজিক এৱাৰ্ডৰ বাবে মনোনীত অসমৰ কণ্ঠশিল্পী

অসমৰ এগৰাকী উদীয়মান কণ্ঠশিল্পী শাৰদী বৰাই ১২ সংখ্যক মিৰ্চি মিউজিক এৱাৰ্ডছ,২০২০’ৰ বাবে মনোনীত হৈছে।

তেওঁক ‘বৰ্ষটোৰ শ্ৰেষ্ঠ উদীয়মান মহিলা কণ্ঠশিল্পী’ শাখাৰ বাবে মনোনীত কৰা হৈছে।

‘জিন্দেগি তুমচে’ নামৰ ছবিখনক ‘স্বপ্নে জো ভি’ গানটোৰ বাবে তেওঁ এই মনোননয়ন পাইছে।

সন্মানীয় মিৰ্চি এৱাৰ্ডৰ বাবে মনোনয়ন লাভ কৰা তেওঁ হৈছে অসমৰ প্ৰথম গৰাকী মহিলা কণ্ঠশিল্পী।

শাৰদীৰ ঘৰ ডিব্ৰুগড়ত আৰু তেওঁ প্ৰদীপ বৰা আৰু ৰুণুমী বৰাৰ কন্যা।

তেওঁৰ পিতৃ চৰকাৰী বালক উচ্চতৰ মাধ্যমিক বিদ্যালয়ৰ এগৰাকী শিক্ষক।

শাৰদীয়ে এম টি ভি ক’ক ষ্টুডিঅ’ (চিজন টু)ত প্ৰদৰ্শন আগবঢ়োৱাৰ পাছতেই ৰাষ্ট্ৰীয় পৰ্যায়ত পৰিচিত হৈ পৰে।

শাৰদীয়ে ‘শানদাৰ(২০১৫)’, ‘য়েহ ইস্ক ছাৰফিৰা(২০১৫)’,’সুৰবীৰ(২০১৬)’কে ধৰি কেইবাখনো বলীউদৰ ছবিত নেপথ্য কণ্ঠশিল্পী হিচাপে কণ্ঠদান কৰিছে।

তেওঁ বহুকেইখন টেলিভিশ্বনৰ ধাৰাবাহিকৰ বাবে গান গাইছে।

মিৰ্চি মিউজিক এৱাৰ্ড বছৰি ৰেডিঅ’ মিৰ্চিয়ে ভাৰতৰ হিন্দী ভাষাৰ চলচ্চিত্ৰ সংগীত উদ্যোগৰ বৃত্তিধাৰী শিল্পী তথা কুশলীসকলৰ প্ৰদৰ্শনৰ বাবে আগবঢ়াই আহিছে।

২০০৮ৰ পৰা প্ৰৱৰ্তন কৰা এই বঁটা ১৭ টা বিভিন্ন শাখাত প্ৰদান কৰা হয়।