বাংগালুৰু কে আই এম এছ হোষ্টেলৰ পৰা সন্ধানহীন এজন অসমীয়া ছাত্ৰ
বাংগালুৰুৰ কেম্পেগ’ড়া ইনষ্টিটিউট অৱ মেডিকেল ছাইন্স(KIMS)ত অধ্যয়নৰত এজন অসমীয়া ছাত্ৰ সন্ধানহীন হৈছে।
জানিব পৰা মতে ২৩ বছৰীয়া অৰ্ঘ্যদ্বীপ মণ্ডল নামৰ ছাত্ৰজন প্ৰতিষ্ঠানটোৰ বানাশংকৰী ষ্টেজ ২ অঞ্চলৰ যোৱা ১১ ফেব্ৰুৱাৰিৰ পৰা নিৰুদ্বেশ হৈ আছে।
সন্ধানহীন অৰ্ঘ্যদ্বীপ মণ্ডল ঘৰ ধুবুৰী জিলাৰ সপ্তগ্ৰামত বুলি জানিব পৰা গৈছে। তেওঁ বাংগালুৰুৰ কেম্পেগ’ড়া ইনষ্টিটিউট অৱ মেডিকেল ছাইন্স(KIMS)ত ফাৰ্মাচি বিভাগত অধ্যয়নৰত ছাত্ৰ।
‘তেওঁৰ ব্যৱহাৰ কৰা মোবাইল ফোনটো যোৱা ১১ ফেব্ৰুৱাৰিৰ পুৱা ৮ বজাৰ পৰা বন্ধ হৈ আছে। বন্ধুবৰ্গও অৰ্ঘ্যদ্বীপৰ খবৰ দিব নোৱাৰাত পিছদিনা হোষ্টেল কৰ্তৃপক্ষৰ সৈতে যোগাযোগ কৰি অৰ্ঘ্যদ্বীপৰ সন্ধানহীন হোৱা বুলি জানিব পাৰোঁ।ইতিমধ্য হোষ্টেল কৰ্তৃপক্ষই এই সন্দৰ্ভত বাংগালুৰু আৰক্ষীৰ থানাত গোচৰ ৰুজু কৰাৰ কথাও আনিবলৈ দিয়ে।’ এই দৰে কয় অৰ্ঘ্যদ্বীপৰ খুৰাক অসীম মণ্ডলে।
ইতিমধ্যে অৰ্ঘ্যদ্বীপৰ পিতৃ নিৰ্মল কুমাৰ মণ্ডলে বাংগালুৰু অভিমুখে ৰাওনা হৈছে। আৰু সন্ধানহীন পুত্ৰ অৰ্ঘ্যদ্বীপ মণ্ডলক অতি শীঘ্ৰে বিচাৰি উলিয়াবলৈ বাংগালুৰুৰ আৰক্ষীক অনুৰোধ জনাইছে।
যদি কোনো লোকে সন্ধানহীন অৰ্ঘ্যদ্বীপৰ সন্ধান পায় তেনে ৭৩৯৯৪-৬৬৫০০ আৰু ৮৬৩৮৭-৮৭৭৩৯ মোবাইল নম্বৰত জনাবলৈ পিতৃ নিৰ্মল কুমাৰ মণ্ডলে অনুৰোধ জনাইছে।