ওদালগুৰিৰ উপায়ুক্ত ক’ভিড-১৯ পজিটিভ

ওদালগুৰিৰ উপায়ুক্ত প্ৰকাশ ৰঞ্জন ঘৰফলীয়া বৃহস্পতিবাৰে ক’ভিড-১৯ পজিটিভ চিনাক্ত হৈছে।

ক’ভিড পজিটিভ চিনাক্ত হোৱা ঘৰফলীয়াই অসমৰ প্ৰথম উপায়ুক্ত।

জানিব পৰা মতে তেওঁ যোৱা কেইটামান দিন হ’ম কুৱাৰেণ্টিনত আছিল।

নৰ্থইষ্ট নাওক এই তথ্য নিশ্চিত কৰিছে স্বাস্থ্য সেৱাৰ যুটীয়া সঞ্চালক ডঃ তায়েবুৰ ৰহমানে।

তেওঁ জনোৱা মতে উপায়ুক্ত ঘৰফলীয়াৰ স্বাব সংগ্ৰহ কৰি তেজপুৰ চিকিৎসা মহাবিদ্যালয় আৰু হস্পিটেললৈ পঠোৱা হৈছিল।

এক সূত্ৰমতে, ঘৰফলীয়াই শেহতীয়াকৈ এন এইচ এমৰ পাঁচগৰাকী কৰ্মীৰ সৈতে কথা পাতিছিল।

কৰ্মীকেইগৰাকীক পিছত ক’ভিড পজিটিভ পোৱা গৈছিল।

সামান্য কাঁহ আৰু জ্বৰত আক্ৰান্ত হোৱা বাবে উপায়ুক্তগৰাকী ছেল্ফ-কুৱাৰেণ্টিনত আছিল।

ঘৰফলীয়াক শেহতীয়াকৈ ৰাজ্যিক নিৰ্বাচন আয়োগৰ সচিবৰূপে বদলি কৰা হৈছিল।

কিন্ত তেওঁৰ স্থানত ওদালগুৰিৰ উপায়ুক্তৰূপে নিযুক্তি দিয়া পূৰৱী গগৈয়ে এতিয়ালৈকে দায়িত্ব গ্ৰহণ কৰা নাই।