প্ৰথমবাৰলৈ অনুষ্ঠিত হ’বলগীয়া নৰ্থ-ইষ্ট অলিম্পিক গেইমছত অংশগ্ৰহণৰ বাবে মণিপুৰলৈ ৰাওনা অসম মহিলা ফুটবল দল
অহা ২৪-২৮ অক্টোবৰলৈ মণিপুৰৰ ৰাজধানী চহৰ ইম্ফলত প্ৰথমবাৰলৈ অনুষ্ঠিত হ’ব নৰ্থ-ইষ্ট অলিম্পিক গেইমছ। মণিপুৰ অলিম্পিক সন্থাৰ দ্বাৰা আয়োজিত এই প্ৰতিযোগিতাখনত অংশগ্ৰহণৰ বাবে ইতিমধ্যে মণিপুৰলৈ ৰাওনা হৈছে অসম ৰাজ্যিক ছিনিয়ৰ মহিলা ফুটবল দলটো।
উল্লেখযোগ্য যে যোৱা ১৯, ২০ আৰু ২১ অক্টোবৰত মৰাণত অনুষ্ঠিত হোৱা বাছনি শিৱিৰৰ পৰাই অসমৰ এই মহিলা ফুটবল দলটো গঠন কৰা হৈছে। গহপুৰত সদ্য সমাপ্ত আন্তঃজিলা ছিনিয়ৰ মহিলা টুৰ্ণামেণ্টত উজ্জ্বীৱিত প্ৰদৰ্শন আগবঢ়োৱা খেলুৱৈসকলৰ দ্বাৰাই মূলতঃ এই মহিলা দলটো গঠন কৰা হৈছে।
অসম ফুটবল সন্থাৰ সম্পাদক অংকুৰ দত্তই ঘোষণা কৰা ষোল্লজনীয়া দলটো – অঞ্জনা শইকীয়া, সৌমশ্ৰী বড়ো (গ’লৰক্ষক), কণিকা ব্ৰহ্ম, চাবিনা কিছপতা, ভবানী কুমাৰ, সীমা বড়ো, ফুমা নাৰ্জাৰী, নিলম দাস (ৰক্ষণ বিভাগ), মৃণালী বৰা, সঞ্জলী কেম্প্ৰাই, চ’নিয়া মাৰাক, প্ৰণিতা টায়ে (মিড ফিল্ডাৰ), মীনা বসুমতাৰী, সুনীলা বসুমতাৰী, সোৱণশিৰি বড়ো আৰু অঞ্জলি ডেকা (ফৰৱাৰ্ড)। দলটোৰ মুখ্য প্ৰশিক্ষক মিণ্টু বৰগোহাঁই (নাজিৰা) আৰু মেনেজাৰ সঞ্জীৱ বৰুৱা (মৰাণ)।
অসমৰ এই ফুটবল দলটোত কোকৰাঝাৰৰ সাতগৰাকী, কাৰ্বি আংলঙৰ দুগৰাকী, ৰঙিয়াৰ দুগৰাকী, যোৰহাটৰ দুগৰাকী, মঙলদৈ, তিতাবৰ আৰু মৰাণৰ এগৰাকীকৈ খেলুৱৈয়ে স্থান লাভ কৰিবলৈ সক্ষম হৈছে।
উল্লেখ্য যে পাঁচদিনীয়াকৈ অনুষ্ঠিত হ’বলগীয়া এই প্ৰতিযোগিতাখনত উত্তৰ-পূবৰ আটাইকেইখন ৰাজ্যই অংশগ্ৰহণ কৰিব। ইম্ফলৰ খুমান লাম্পাক ষ্টেডিয়ামত হ’বলগীয়া প্ৰতিযোগিতাখনৰ বাবে দলবোৰ আজি ইম্ফলত উপস্থিত হ’ব।
ইফালে প্ৰথমবাৰৰ বাবে অনুষ্ঠিত হ’বলগীয়া নৰ্থ-ইষ্ট অলিম্পিক গেইমছত ১২টা ইভেণ্ট থাকিব। ইভেন্টসমূহ হ’ল এথলেটিকছ, আৰ্চাৰী, বক্সিং, ফুটবল, টাইকোৱানডো, টেবুল টেনিছ, ভাৰোত্তোলন, উশ্বু, বেডমিণ্টন, জুডো, কাৰাটে আৰু শ্বুটিং।
You may also like
থলুৱা প্রযুক্তিকৌশলেৰে ৰামসেতুৰ পুৰাতাত্ত্বিক অধ্যয়নৰ বাবে অসম বিশ্ববিদ্যালয়ে দিয়া প্ৰস্তাৱ পেলাই থৈছে কেন্দ্ৰই
ৰামসেতুৰ থলুৱা কৌশলেৰে পুৰাতাত্ত্বিক অধ্যয়নৰ বাবে অসম বিশ্ববিদ্যালয়ে দিয়া প্ৰস্তাৱ পেলাই থৈছে কেন্দ্ৰই। এই কথা পোহৰলৈ আহিছে হিন্দুস্তান টাইমছৰ এটা প্ৰতিবেদনৰ পৰা।…
পঞ্চায়ত আৰু গ্ৰামোন্নয়ন বিভাগৰ নিযুক্তি কেলেংকাৰিৰ চিবিআই তদন্ত দাবী ভানুৰ
তেজপুৰ লোকসভা সমষ্টিৰ কংগ্ৰেছ দলৰ প্ৰাৰ্থী তথা অসম চৰকাৰৰ অৱসৰপ্ৰাপ্ত অতিৰিক্ত মুখ্য সচিব এম জি ভি কে ভানুৱে শেহতীয়াভাৱে সংঘটিত হোৱা পঞ্চায়ত…
তিনি চিকিৎসা মহাবিদ্যালয়ৰ স্বীকৃতি বাতিলে উদঙাইছে স্বাস্থ্য ব্যৱস্থাৰ আচল স্বৰূপ : ডি ৱাই এফ আই
দুই দশকৰো বেছি সময়ৰ স্বাস্থ্যমন্ত্ৰী আৰু আজিৰ মুখ্যমন্ত্ৰী ড° হিমন্ত বিশ্ব শৰ্মাৰ সাফল্যৰ নমুনা (!) এয়ে যে, ৰাজ্যৰ তিনিখনকৈ প্ৰধান চিকিৎসা মহাবিদ্যালয়ৰ …
এন আৰ চিৰ চূড়ান্ত খচৰা : ৩খন জিলাৰ বানপানীৰ অজুহাতত গোটেই অসমক বঞ্চিত নকৰিব, আহ্বান গগৈৰ
অসমৰ কেইখনমান জিলাত হোৱা বানপানীৰ বাবে অহা ৩০ জুনত এন আৰ চিৰ চূড়ান্ত খচৰা প্ৰকাশৰ ক্ষেত্ৰত এন আৰ চিৰ ৰাজ্যিক সমন্বয়ক প্ৰতীক…