যুৱ কবি অশ্বিনী কুমাৰ ফুকনৰ বিৰুদ্ধে চৰম পন্থা বাছি ল’বলৈ যুৱতীক উচতনি দিয়াৰ অভিযোগ!
যোৰহাট জিলাৰ এগৰাকী উদীয়মান অসমীয়া কবিয়ে ধেমাজিৰ ২৪ বছৰীয়া যুৱতীক আত্মহত্যাৰ বাবে উচতনি দিয়াৰ অভিযোগ উত্থাপন হৈছে।
যুৱতীগৰাকীৰ মৃত্যুৰ সন্দৰ্ভত যোৱা ৬ এপ্ৰিলত ধেমাজি আৰক্ষীয়ে গ্ৰেপ্তাৰ কৰিছিল কবি অশ্বিনী কুমাৰ ফুকনক।
২০২৫ চনৰ ২ মাৰ্চত সংঘটিত হোৱা এই ঘটনাটো শেহতীয়াকৈহে জনসাধাৰণৰ দৃষ্টিগোচৰ হৈছে।
ভুক্তভোগীৰ পিতৃয়ে দাখিল কৰা এজাহাৰ অনুসৰি কবি ফুকনৰ প্ৰৰোচনাৰ বাবেই তেওঁৰ কন্যাৰ আত্মহত্যাৰ ফলত মৃত্যু হয়। যুৱতীগৰাকীয়ে তেজপুৰ বিশ্ববিদ্যালয়ৰ পৰা হিন্দী বিষয়ত স্নাতকোত্তৰ ডিগ্ৰী সম্পূৰ্ণ কৰিছিল।
তিতাবৰত জন্মলাভ কৰা ফুকনে নিজে কটন বিশ্ববিদ্যালয়ৰ পৰা অসমীয়াত স্নাতকোত্তৰ ডিগ্ৰীধাৰী আৰু ২০২১-২২ চনত ছাত্ৰ একতা সভাৰ নিৰ্বাচনত প্ৰতিদ্বন্দ্বিতা কৰিছিল।
গুৱাহাটী উচ্চ ন্যায়ালয়ে ২০২৫ চনৰ ৫ মে’ত অশ্বিনী কুমাৰ ফুকনক জামিন মঞ্জুৰ কৰে।ফুকনৰ বিৰুদ্ধে ভাৰতীয় ন্যায় সংহিতা, ২০২৩ৰ ১০৮ নং ধাৰাত পঞ্জীয়ন কৰা গোচৰ নং ৩৮/২০২৫, যিটো আত্মহত্যাৰ প্ৰৰোচনাৰ অভিযোগৰ সৈতে জড়িত।
২০২৫ চনৰ ৬ এপ্ৰিলত গ্ৰেপ্তাৰ হোৱাৰ পাছত ২৯ দিন ন্যায়িক জিম্মাত আছিল ফুকন।
২০২৫ চনৰ ৮ মাৰ্চত ধেমাজি থানাত ভুক্তভোগীৰ পিতৃয়ে দাখিল কৰা এফআইআৰৰ পৰা এই গোচৰৰ সৃষ্টি হৈছে।
অভিযোগকাৰীয়ে অভিযোগ কৰা মতে, ২০২৫ চনৰ ২ মাৰ্চত তেওঁৰ ২৪ বছৰীয়া কন্যা সন্তানে আত্মহত্যা কৰিছিল। মোবাইল ফোন ৰেকৰ্ডত প্ৰকাশ পাইছে যে অভিযুক্ত ফুকনে নিজৰ কন্যাৰ সৈতে অহৰহ যোগাযোগ কৰি আছিল আৰু কন্যাক চৰম পদক্ষেপ ল’বলৈ উচটনি দিছিল।