Commonwealth Games 2022: গোল্ড কোষ্টৰ পিছত এইবাৰ বাৰ্মিংহামতো স্বৰ্ণ জয় বজৰং পুনিয়াৰ
Bajrang Punia brought in the first gold medal in wrestling ২০১৮ চনত গোল্ড কোষ্ট কমনৱেলথৰ পিছত এইবাৰ ২০২২ৰ বাৰ্মিংহাম কমনৱেলথ গেমছতো বজৰং পুনিয়াই নিজৰ আধিপত্য অব্যাহত ৰাখিছে। বিপক্ষক হেলাৰঙে পৰাস্ত কৰি মল্লযুঁজত দেশক প্ৰথমটো স্বৰ্ণ আনি দিলে বাহুবলী বজৰং পুনিয়াই ।
শুকুৰবাৰে পুৰুষৰ ৬৫ কিলোগ্ৰাম ফ্ৰীষ্টাইল শাখাৰ ফাইনেলত ভাৰতীয় পালোৱানগৰাকীয়ে কানাডাৰ লাচলান মেকনিলক ৯-২ ব্যৱধানত পৰাস্ত কৰে। বজৰঙে প্ৰতিদ্বন্দীগৰাকীক দৰাচলতে যুঁজিবলৈ সুযোগেই দিয়া নাছিল।
যোৱা টকিঅ’ অলিম্পিকত ৬৫ কিলোগ্ৰাম শাখাত বজৰং পুনিয়াই ব্ৰঞ্জৰ পদক জিকিছিল। তাৰ আগতে গোল্ড কোষ্ট কমনৱেলথ গেমছত ৬৫ কিলোগ্ৰাম শাখাত তেওঁ স্বৰ্ণ জয় কৰিছিল।
গোল্ড মেডেল বাউটত এক মিনিটৰ খেলৰ শেষত কানাডিয়ান মল্লযোদ্ধাজনক পেছিভিটিৰ বাবে সতৰ্ক কৰি দিয়া হৈছিল। তেওঁ পৰৱৰ্তী ৩০ ছেকেণ্ডত পইণ্ট ল’ব নোৱাৰাত বজৰঙৰ একাউণ্টত ১ পইণ্ট যোগ হয়। তাৰ পিছত বজৰঙে লাচলানক টেক ডাউন কৰি আৰু ২ পইণ্ট সংগ্ৰহ কৰে।
প্ৰথম ৰাউণ্ডৰ শেষত পুনিয়াই কানাডিয়ান তাৰকাজনক বৃত্তৰ পৰা বাহিৰলৈ ঠেলি দি আৰু তেওঁৰ একাউণ্টত ১ পইণ্ট যোগ কৰে। ফলত প্ৰথম ৰাউণ্ডৰ শেষত ভাৰতীয় তাৰকাগৰাকীয়ে ৪-০ ৰ অগ্ৰগতি লাভ কৰে।
The talented @BajrangPunia is synonymous with consistency and excellence. He wins a Gold at the Birmingham CWG. Congratulations to him for the remarkable feat, his 3rd consecutive CWG medal. His spirit and confidence is inspiring. My best wishes always. pic.twitter.com/hjBYjd1lCP
— Narendra Modi (@narendramodi) August 5, 2022
লাচলানে দ্বিতীয় ৰাউণ্ডত পুনিয়াক টেক ডাউন কৰি ২ পইণ্ট সংগ্ৰহ কৰে। অৱশ্যে বজৰঙে তাৰ পিছত পুনৰ ছিংগল লীগ এটেক কৰি আৰু একেৰাহে ২ আৰু ১পইণ্ট সংগ্ৰহ কৰে। ফলত তেওঁ ৭-২ ৰ অগ্ৰগতি লাভ কৰে। শেষ মুহূৰ্তত বজৰঙে লাচলানক টেক ডাউন কৰি আৰু ২ পইণ্ট লাভ কৰে আৰু বাউটটো ৯-২ ব্যৱধানত জিকি স্বৰ্ণ পদক হস্তগত কৰে।