বাদ পৰিল পূজাৰা, সোমাল ৰাহানে; ৱেষ্ট ইণ্ডিজ ভ্ৰমণৰ বাবে টেষ্ট আৰু এদিনীয়া দল ঘোষণা বিচিচিআইৰ

বিচিচিআইয়ে ৱেষ্ট ইণ্ডিজ ভ্ৰমণৰ বাবে টেষ্ট আৰু এদিনীয়া শৃংখলাৰ দল ঘোষণা কৰিছে।টেষ্ট দলৰ পৰা বাদ পৰিছে চেতেশ্বৰ পূজাৰা। তেওঁ পশ্চিম অঞ্চলৰ হৈ দুলীপ ট্ৰফীত খেলিব পাৰে। ঘৰুৱা ক্ৰিকেটত ৰান পালে তেওঁক পুনৰ ভাৰতীয় দলত দেখা পোৱা যাব।

আনহাতে, বিশ্ব টেষ্ট চেম্পিয়নশ্বিপত পুনৰ ফৰ্মলৈ ঘূৰি অহাৰ পিছত ৱেষ্ট ইণ্ডিজ ভ্ৰমণৰ সহ-অধিনায়কৰ ভূমিকালৈ ঘূৰি আহিছে ৰাহানে। মহম্মদ ছামি আৰু উমেশ যাদৱকো বিশ্বকাপৰ কথা মনত ৰাখিয়েই জিৰণি দিয়া হৈছে।

টেষ্ট আৰু এদিনীয়া দলত সুযোগ লাভ কৰিছে পেচাৰ মুকেশ কুমাৰে। ঋতুৰাজ গাইকোৱাদ আৰু যশস্বী জয়ছৱালেও সুযোগ লাভ কৰিছে। দললৈ ঘূৰি আহিছে নৱদীপ ছাইনী। এদিনীয়া দলত সুযোগ পাইছে সঞ্জু ছেমচন, উমৰাণ মালিক, জয়দেৱ উনাদকটে।

দুয়োটা ফৰ্মেটতে ভাৰতীয় দলৰ অধিনায়ক হিচাপে দেখা যাব ৰোহিত শৰ্মাক। অৱশ্যে ভাৰতীয় ক্ৰিকেট ব’ৰ্ডে এতিয়াও টি-২০ দল ঘোষণা কৰা নাই। বাতৰি অনুসৰি, তাতো কিছু নতুন মুখ দেখা যাব।

টেষ্ট দল : ৰোহিত শৰ্মা (অধিনায়ক), অজিংক্য ৰাহানে (সহ অধিনায়ক), শুভমন গিল, ঋতুৰাজ গাইকোৱাদ, বিৰাট কোহলী, যশস্বী জয়ছোৱাল, কে এছ ভৰত, ঈশান কিষাণ, ৰবিচন্দ্ৰন অশ্বিন, ৰবীন্দ্ৰ জাদেজা, শাৰ্দুল ঠাকুৰ, অক্ষৰ পেটেল, মহম্মদ চিৰাজ, মুকেশ কুমাৰ, জয়দেৱ উনাদকট, নৱদীপ ছাইনী।

এদিনীয়া দলঃ ৰোহিত শৰ্মা (অধিনায়ক), হাৰ্দিক পাণ্ডিয়া (সহ অধিনায়ক), শুভমন গিল, ঋতুৰাজ গাইকোৱাদ, বিৰাট কোহলী, সূৰ্য্যকুমাৰ যাদৱ, সঞ্জু ছেমচন, ঈশান কিষাণ, শাৰ্দুল ঠাকুৰ, ৰবীন্দ্ৰ জাদেজা, অক্ষৰ পেটেল, যুজবেন্দ্ৰ চাহাল, কুলদীপ যাদৱ, জয়দেৱ উনাদকট, মহম্মদ চিৰাজ, উমৰাণ মালিক, মুকেশ কুমাৰ।