অযোধ্যা ৰায়ৰ বাবে নিজকে চিকুনাবলৈ তিনি দশক অপেক্ষা কৰিছিল এইজন চেলুনৰ গৰাকীয়ে

ৰামভক্ত বা গেৰুৱা প্ৰীতি। ‘আৰ এছ এছ হেয়াৰ ষ্টাইল’ নামৰ চেলুনৰ গৰাকী বাংগালুৰুৰ ৰাজাজী নগৰৰ অধিনাৰায়নে(৬৫)অৱশেষত নিজৰ চুলি-দাড়ি চিকুনাই ল’লে। অৱশ্যেই, আপুনি ইয়াত নিজৰ চখৰ হেয়াৰ কাট কটাবও পাৰে।

লক্ষ্মীনাৰায়নপুৰত চেলুন খোলা এই গৰাকী লোকৰ চেলুনত পুৱা ৫.৩০ বজাৰ পৰাই চুলি-দাড়ি কটাবলৈ অহা গ্ৰাহকৰ লানি লাগে।

কিন্তু এই লোকজনে নিজেই অলপতে নিজৰ চুলি-দাঢ়ি কটাই চিকুন হৈ ল’লে।

নিউ ইণ্ডিয়ান এক্সপ্ৰেছৰ বাতৰি অনুসৰি, অধিনাৰায়নে ২৭ বছৰ পূৰ্বে অযোধ্যা বিবাদে দেশত আলোড়ন সৃষ্টি কৰাৰ সময়তে শপত খাইছিল যে যেতিয়ালৈকে ৰাম জন্মভূমি বিবাদ নিষ্পত্তি নহয় তেতিয়ালৈকে তেওঁ নিজৰ চুলি নকটায় বা দাড়ি চিকুন নকৰে।

২০১৯ৰ নৱেম্বৰত যেতিয়া ভূমি বিবাদ অৱশেষত উচ্চতম ন্যায়ালয়ত নিষ্পত্তি হ’ল অধিনাৰায়নে শুভেচ্ছামূলক যাত্ৰাত অযোধ্যালৈ যায় আৰু নিজৰ চুলি-দাড়ি চিকুনাই লয়। তেওঁ এই দিনটোৰ বাবে প্ৰায় তিনি দশক অপেক্ষা কৰিবলগীয়া হৈছিল।

অন্ধ্ৰ প্ৰদেশৰ অনন্তপুৰৰ অধিনাৰায়নে প্ৰায় ৪৬ বছ পূৰ্বে গৃহ চহৰখনত চেলুনৰ দক্ষতা আহৰণ কৰাৰ পাছত বাংগালুৰুলৈ গৈছিল।

প্ৰভু ৰামৰ এগৰাকী একান্ত ভক্ত অধিনাৰায়নে প্ৰায়ে অযোধ্যালৈ গৈছিল। তেওঁ বৰ্তমান ৰাজ্যখনৰ প্ৰাথমিক তথা মাধ্যমিক শিক্ষা বিভাগৰ মন্ত্ৰী সুৰেশ কুমাৰৰ সৈতে কৰ্ণাটকৰ এটা দলৰ সৈতে ১৯৯২ চনত তালৈ গৈছিল।

‘’মই অযোধ্যাত ১৫ দিন আছিলো, মই মোৰ দোকান বন্ধ কৰি তালৈ গৈছিলো,’’-তেওঁ কয়।

তাত থকা সময়ছোৱাতে তেওঁ শপত লৈছিল যে ৰাম মন্দিৰ বিবাদ নিষ্পত্তি নোহোৱা পৰ্যন্ত তেওঁ চুলি নকটায় আৰু সেইদৰে সুদীৰ্ঘ ২৭ বছৰ ধৰি চুলিত কেচি লগোৱা নাছিল।

‘’মই গ্ৰাহকৰ চুলি কাটি চিকুনাও, কিন্তু কেতিয়াও মোৰ খিনি কটাৰ অনুভৱ কৰা নাছিলো। অৱশেষত মই বাঢ়ি থকা চুলিখিনি প্ৰভু শ্ৰী ৰামৰ নামত কটাই ল’লো,’’-নিউ ইণ্ডিয়ান এক্সপ্ৰেছত অধিনাৰায়নৰ উদ্ধৃতিৰে কোৱা হৈছে।

পৰিয়ালৰ সদস্যসকলে বাৰে বাৰে তেওঁৰ পৰিৱৰ্তিত চেহেৰাৰ কথা সোঁৱৰাই দি কাটিবলৈ কৈ আহিলেও তেওঁ নিজৰ শপত ভংগ কৰা নাছিল।

তেওঁৰ তিনিজন সন্তানৰ এজনে তেওঁক কামত সহায় কৰিবলৈ আৰম্ভ কৰিছে।

অধিনাৰায়ন এজন আৰ আৰ এছৰ কৰ্মী আৰু তেওঁৰ চাল-চলন তথা আচাৰ-ব্যৱহাৰেৰে এজন সম্পূৰ্ণ ৰাম ভক্ত।

‘’যদিও মই চেলুনখন প্ৰায় ২৫ বছৰ আগতে এখন সাধাৰণ দোকান হিচাপে আৰম্ভ কৰিছিলো,মি ইয়াৰ নাম দিয়া নাছিলো। পাছত মই ইয়াৰ নাম ৰাখিলো ‘আৰ এছ এছ হেয়াৰ ষ্টাইল’,-তেওঁ কয়।

অধিনাৰায়নৰ এতিয়া এটাই সপোন আৰু সেয়া হৈছে বৰ্তমান প্ৰস্তুতি চলি থকা অযোধ্যাত ৰাম মন্দিৰৰ নিৰ্মাণ সম্পূৰ্ণ হোৱাটো চোৱা।

কিন্তু তেওঁৰ বাবে এতিয়াও সেই ইচ্ছাৰ বাবে ৰাখিব আন এটা সংকল্প। ‘’মই আকৌ শপত খাইছো আৰু মন্দিৰৰ নিৰ্মাণ সম্পূৰ্ণ নোহোৱালৈকে মোৰ চুলি নকটাও। তাৰ পাছত মই অযোধ্যালৈ গৈ মোৰ চুলি কটাম,’’-অধিনাৰায়নে নিজৰ সংকল্পৰ কথা দোহাৰে।