চৰকাৰী বিদ্যালয়ত ভোজপুৰী গান : উদ্দাম, অশ্লীল নৃত্য মহিলাৰ
শিশুক শিক্ষাৰ পোহৰ দেখুওৱা ঠাইত মদ্যপ ব্যক্তিৰ অশ্লীল নৃত্য। ভাইৰেল ভিডিঅ’ই সৃষ্টি কৰিছে বিতৰ্কৰ ।
জানিব পৰা মতে, বিহাৰৰ জলাই থানাৰ নয়তলাৰ এখন প্ৰাথমিক বিদ্যালয়ত সংঘটিত হৈছে এই কাণ্ড। এই কাণ্ডৰ ভিডিঅ’ সামাজিক মাধ্যমত ভাইৰেল হৈ পৰিছে।
ভিডিঅ’টোত কমেও চাৰিগৰাকী মহিলাই ভোজপুৰী গীতত অশ্লীলভাৱে নৃত্য কৰা দেখা গৈছে। দুই এজন পুৰুষেও তেওঁলোকৰ লগত নৃত্য কৰিছে। তেওঁলোকৰ আচৰণৰ পৰা পৰিষ্কাৰ যে তেওঁলোকে মদ্যপানৰ কৰি আছে।
যোৱা নিশা ২৪ ছেপ্টেম্বৰত সংঘটিত হৈছিল এই ঘটনা। বহুতে প্ৰশ্ন উত্থাপন কৰিছে, বিদ্যালয়ৰ ভিতৰতে এনে নৃত্য কেনেকৈ কৰিব পাৰিলে? এই অনুষ্ঠানৰ বাবে স্থানীয় থানাৰ পৰা কোনো অনুমতি লোৱা হোৱা নাই বুলি আৰক্ষীয়ে জানিবলৈ দিয়ে।
बिहार के सरकारी स्कूल में बार बालाओं ने लगाए ठुमके
सहरसा के जलई ओपी क्षेत्र में स्थित विरगांव पंचायत के प्राथमिक विद्यालय नया टोला में बार बालाओं ने जमकर ठुमका लगाया। विडियो 24 सितंबर की रात का बताया जा रहा है। @bihar_police @NitishKumar @BiharEducation_ pic.twitter.com/Jk9Sn0fHhp
— Republican News (@RepublicanNews0) September 26, 2024
সমগ্ৰ বিষয়টোৰ সন্দৰ্ভত তদন্ত আৰম্ভ কৰিছে আৰক্ষীয়ে। বিদ্যালয় ঘৰটোৰ অপব্যৱহাৰ কেনেদৰে হ’ল তাৰ তদন্ত আৰম্ভ কৰিছে তদন্তকাৰী বিষয়াসকলে।
ইফালে এনে ঘটনাত ক্ষুব্ধ হৈ পৰিছে স্থানীয় ৰাইজ। বিদ্যালয়খনৰ ভিতৰত এনে ঘটনা কেনেকৈ হ’ব পাৰে সেই সন্দৰ্ভত শিক্ষা বিভাগত এজাহাৰ দাখিল কৰিছে। তেওঁলোকে প্ৰশাসনক দোষাৰোপ কৰিছে।