ভুৱনেশ্বৰ কলিতাক পুনৰ ৰাজ্যসভালৈ সাংসদ কৰি নিয়া হ’ব! নেডাৰ সন্মিলনত জনালে অমিত শ্বাহে
উত্তৰ-পূবৰ ১৪খন ৰাজ্যসভাৰ আসনৰ ৬খনতেই বৰ্তমান নেডাৰ (North East Democratic Alliance) সাংসদ আছে আৰু ভুৱনেশ্বৰ কলিতাক নিৰ্বাচিত কৰাৰ জৰিয়তে এই সংখ্যাটো বৃদ্ধি কৰা হ’ব বুলি আজি কেন্দ্ৰীয় গৃহ মন্ত্ৰী অমিত শ্বাহে নেডাৰ চতুৰ্থ সন্মিলনত ইংগিত দিয়ে।
উত্তৰ-পূবত নেডাৰ বৰ্ধিত শক্তিৰ কথা ক’বলৈ গৈ কেন্দ্ৰীয় গৃহ মন্ত্ৰীজনে “কলিতাজী”ৰ উল্লেখ কৰে।
“উত্তৰ-পূবত ২৫খন লোকসভা আসনৰ ভিতৰত ১৯খনেই নেডাৰ। ৰাজ্যসভাতো ১৪খন আসনৰ ৬খনেই নেডাৰ আছে। আমাৰ কলিতাজী আকৌ নিৰ্বাচিত হৈ আহিব আৰু তেতিয়া আৰু এখন বাঢ়িব”, ভুৱনেশ্বৰ কলিতাৰ সম্পূৰ্ণ নাম নোলোৱাকৈয়ে অমিত শ্বাহে কয়।
ৰাজ্যসভাৰ প্ৰাক্তন সাংসদ ভুৱনেশ্বৰ কলিতাই ৫ আগষ্টত কংগ্ৰেছ এৰি বিজেপিত যোগদান কৰিছিল। তাৰ পূৰ্বে কলিতাই প্ৰায় ৪টা দশক কংগ্ৰেছ দলত আছিল।
বৰ্তমান অসমত ৰাজ্যসভাৰ দুখনকৈ আসন খালী হৈ আছে। প্ৰাক্তন কংগ্ৰেছী সাংসদ তথা ৩০ জুলাইত বিজেপিত যোগদান কৰা সঞ্জয় সিং আৰু ভুৱনেশ্বৰ কলিতাৰ পদত্যাগৰ ফলত এই আসন দুখন খালী হৈ আছে।
নেডাৰ চতুৰ্থ সন্মিলনখন আজি শ্ৰীমন্ত শংকৰদেৱ কলাক্ষেত্ৰত অনুষ্ঠিত হৈছিল।
You may also like
কোকৰাঝাৰৰ জিলা উপায়ুক্তক লগ ধৰি এন আৰ চিৰ অগ্ৰগতিৰ বুজ লয় তিনি সংগঠনৰ নেতৃবৃন্দই
এন আৰ চিৰ খছৰা তালিকা প্ৰকাশৰ দিন চমু চাপি অহাৰ সময়তে আজি আছুৰ মুখ্য উপদেষ্টা সমুজ্জল কুমাৰ ভট্টাচাৰ্য, এবছুৰ সভাপতি প্ৰমোদ বড়ো আৰু…
বয়স মাত্ৰ ২৫ বছৰ! ঘৰতে মৃত অৱস্থাত উদ্ধাৰ কে-পপ তাৰকা মুনবিনৰ দেহ
মাত্ৰ ২৫ বছৰ বয়সতে স্তব্ধ হৈ পৰিল কে-পপ তাৰকা মুনবিনৰ জীৱন। তেওঁৰ ঘৰৰ পৰাই উদ্ধাৰ কৰা হয় এষ্ট্ৰ’ বেণ্ডৰ সদস্যগৰাকীৰ মৃতদেহ। বৃহস্পতিবাৰে…
শৰাইঘাটৰ দ্বিতীয় দলঙত প্ৰতিবাদ ক্ষুভিত বিশেষ আৰক্ষী জোৱানৰ
চাকৰি নিয়মীয়াকৰণৰ দাবীৰে বিভিন্ন সময়ত প্ৰতিবাদ সাব্যস্ত কৰি অহা অসমৰ বিশেষ আৰক্ষী জোৱান (SPO) সকলে আজি পুনৰ তীব্ৰ প্ৰতিবাদ সাব্যস্ত কৰা পৰিলক্ষিত…
আগন্তুক পঞ্চায়ত নিৰ্বাচনক লৈ কলিয়াবৰত কংগ্ৰেছে চলাইছে ব্যাপক প্ৰস্তুতি
আগন্তুক পঞ্চায়ত নিৰ্বাচনক লৈ কলিয়াবৰত সকলো ৰাজনৈতিক দলেই ব্যাপকভাৱে আয়োজন চলাইছে। আৰু সমান্তৰালভাৱে মনত অযুত আশা বান্ধি কংগ্ৰেছ দলেও আগন্তুক পঞ্চায়ত নিৰ্বাচনক…