ভুটানে অসমলৈ পানী যোগান বন্ধ কৰা নাই
অসমৰ মুখ্য সচিব কুমাৰ সঞ্জয় কৃষ্ণই ভাৰত বিশেষকৈ অসমলৈ ভুটানে পানী যোগান বন্ধ কৰিছে প্ৰকাশিত বাতৰিৰ সত্যতা অস্বীকাৰ কৰিছে।
এক টুইটযোগে তেওঁ কয় যে এই প্ৰতিবেদন ভুলকৈ কৰা হৈছে।
তেওঁ কয় যে ইয়াৰ প্ৰকৃত কাৰণ হৈছে ভাৰতীয় পথাৰসমূহলৈ থকা জলযোগানৰ নলাসমূহত হোৱা প্ৰাকৃতিক অৱৰোধ।
আৰু ভুটানে এই অৱৰোধসমূহ আঁতৰোৱাত আচলতে সহায়হে কৰি আহিছে।
ভুটানৰ চৰকাৰী কৰ্তৃপক্ষই জলযোগানৰ নলাসমূহৰ অৱৰোধ আঁতৰোৱাৰ কেইবাখনো ছবিও তেওঁ শ্বেয়াৰ কৰিছে।
Recent media reports about Bhutan blocking water supply to India has been incorrectly reported. The actual reason being the natural blockage of informal irrigation channels into Indian fields! Bhutan has been actually helping to clear the blockage. pic.twitter.com/H61c5T1EeJ
— Kumar Sanjay Krishna (@KrSanjayKrishna) June 25, 2020
ভাৰত-ভুটান সীমান্তৰ অসমৰ বাক্সা জিলাৰ ২৫খন গাঁৱৰ কৃষকে শেহতীয়াকৈ অভিযোগ কৰা দেখা গৈছিল যে ভুটান চৰকাৰে ভুটানৰ দিশৰ পৰা জলসিঞ্চনৰ বাবে পানী অহাত অনুমতি দিয়া নাই।