২৮ অক্টোবৰৰ পৰা বিহাৰ বিধানসভাৰ নিৰ্বাচন, ১০ নৱেম্বৰত ভোটগণনা

ক’ৰ’না মহামাৰীৰ সংক্ৰমণৰ মাজতে অনুষ্ঠিত হ’ব বিহাৰ বিধানসভাৰ নিৰ্বাচন। আজি নিৰ্বাচন আয়োগে এই কথা প্ৰকাশ কৰে।

২৮ অক্টোবৰৰ পৰা ৭ নৱেম্বৰলৈ তিনিটা পৰ্যায়ত বিহাৰ বিধানসভাৰ নিৰ্বাচন অনুষ্ঠিত হ’ব বুলি নিৰ্বাচন আয়োগে আজি উল্লেখ কৰে।

আনহাতে, ১০ নৱেম্বৰত বিহাৰ বিধানসভাৰ ভোট গণনা সম্পন্ন হ’ব।

বিহাৰ বিধানসভাৰ প্ৰথম পৰ্যায়ৰ নিৰ্বাচন ২৮ অক্টোবৰত অনুষ্ঠিত হোৱাৰ বিপৰীতে ক্ৰমে দ্বিতীয় আৰু তৃতীয় পৰ্যায়ৰ নিৰ্বাচন অনুষ্ঠিত হ’ব ৩ নৱেম্বৰ আৰু ৭ নৱেম্বৰত।

বিহাৰ বিধানসভাৰ নিৰ্বাচনৰ দিন ঘোষণা কৰাৰ পাছতে জে ডি য়ু আৰু নিতিশ কুমাৰক সমালোচনা কৰিছে আৰ জে ডিৰ নেতা লালু প্ৰসাদ যাদৱৰ পুত্ৰ তেজ প্ৰতাপ যাদৱে।

তেজ প্ৰতাপ যাদৱে আগন্তুক বিহাৰ নিৰ্বাচন জে ডি য়ু এ কোনোধৰণৰ প্ৰভাৱ পেলাবলৈ সক্ষম নহ’ব বুলি উল্লেখ কৰি তেওঁলোকৰ যুদ্ধ বিজেপিৰ সৈতে হ’ব বুলি কয়।